Yachanchej jina, Ucraniapi guerra kasqanrayku religionesta kamachejkunaqa runasta yuyaychashanku chay guerraman rinankupaj. Religionta kamachejkunamanta wakenqa Ucraniaman kutikushanku, wakintaj Rusiaman.

•    The Jerusalem Post nisqa periodicopi, 16 de marzo de 2022 fechapi metropolitano Epifanio I de Kiev nerqa: “Ucraniarayku maqanakojkunata jatunpaj qhawayku, maytataj agradecekuyku. [...] Paykunawan kashayku. Chantapis paykunapaj orapuyku”, nispa.

•    Reuters nisqa periódico, 3 de abril de 2022 fechapi nerqa: “Rusiamanta Iglesia ortodoxata kamachejqa uj domingo misata ruwarqa Rusiamanta soldadospaj. Chaypitaj paykunata nerqa, Rusiamanta kasqankurayku suyunkuta jarkʼanankuta Ucraniawan maqanakupi”, nispa.

 ¿Cristianos guerrapi maqanakunankuchu tiyan? ¿Imatá Biblia chaymanta nin?

 Bibliaqa sutʼita nin Jesucristota qhatejkunaqa mana guerraman satʼikusqankuta.

•   “Espadaykita waqaychay. Espadata oqharejkunaqa, espadallawantaj wañuchisqa kanqanku” (Mateo 26:52).

   ¿Guerrata allinpaj qhawaj runa chayri guerrapi maqanakoj runa Jesuspa nisqanta kasukushanchu?

•   “Uj mosoj kamachiyta qoykichej: Purajmanta munanakuychej. Imaynatachus noqa munakorqaykichej ajinallatataj qankunapis purajmanta munanakuychej. Qankunachus purajmanta munanakunkichej chayqa, tukuy yachanqanku discipulosniy kasqaykichejta” (Juan 13:34, 35).

   ¿Imaynallamantapis guerraman chhapukoj runa Jesús ‘purajmanta munanakunata’ nisqanta kasukushanchu?

 Chaymanta astawan yachakunaykipaj “El cristianismo y la guerra: ¿son compatibles?” nisqa yachaqanata leeriy.

 Cristianos guerraman mana risqankoqa may allin. Bibliaqa kay ‘qhepa pʼunchaykunamanta’ parlaspa nerqa tukuy nacionesmanta runas ‘manaña guerrapi maqanakunankupaj yachakunankuta’. Chaytaj Jesuspa yachachisqanman jinapuni (Isaías 2:2, 4).

•    Chaymanta astawan yachakunaykipaj “¿Imaynatá Dios guerrasta qhawan?” nisqa Torremanta Qhawaj revistata leeriy.

 Tumpamantawan “sonqo tiyaykuyta qoj” Dios Jehovaqa, a llakiypi kaj runasta Gobiernonnejta salvanqa “ñakʼarichej runasmanta, sajra runasmantawan” (Filipenses 4:9; Salmo 72:14).

•    Imaynatachus chayta ruwananta yachanaykipaj ¿Imastataj Diospa Gobiernon ruwanqa? nisqa videota qhawariy.