¡RIJCHʼARISQALLAPUNI KAY!
Cientificosqa fin del mundomanta relojta ñaupaykuchinku | ¿Imatá Biblia nin?
Martes 24 de enero de 2023 fechapi cientificosqa fin del mundomanta relojta a ñaupaykucherqanku chaupi tutaman chayananpaj. Chaywan nisharqanku fin del mundo may qayllitapiña kasqanta.
Servicio internacional de noticias de la agencia AFP nisqa nerqa: “Fin del mundoqa qayllitapiñapuni kashan. Runasqa ashkha llakiykunapi rikukunku Ucraniapi guerra kasqanrayku, bombas phatasqanrayku, chʼaki watas kasqanrayku ima”, nispa.
ABC News nisqa periódico nerqa: “Kay martespi cientificosqa nerqanku fin del mundomanta relojta ñaupaykuchisqankuta, chaupi tutapajtaj 90 segundosllaña faltasqanta. Ni jaykʼaj jina kay mundoj tukukuynenqa qayllapiñapuni kashan”, nispa.
The Guardian nisqa periódico nerqa: “Tukuy ladomanta uj grupo científicos nerqanku: ‘Runasqa tukuchisqa kanankupaj jina kashanku, ni jaykʼajtaj ajinapi rikukorqankurajchu’, nispa”.
¿Runaswan, kay jallpʼanchejwan chinkachisqachu kanqanku? ¿Aswan qhepaman imachus kananmanta manchachikunachu tiyan? ¿Imatá Biblia nin chaymanta?
¿Imataj aswan qhepaman kanqa?
Biblia nin: “Jallpʼatajrí wiñaypaj kallanqapuni”, runastaj ‘kay jallpʼapi wiñaypaj kausakonqanku’ (Eclesiastés 1:4; Salmo 37:29). Runasqa jallpʼanchejta mana chinkachenqankuchu, nitaj kay planetanchejqa chʼusajchu qhepakonqa.
Jinapis Bibliaqa uj tukukuy pʼunchaymanta parlan. 1 Juan 2:17 versiculopi nin: “Kay mundoqa tukukapushan”, nispa.
Bibliapi imachus fin del mundo kasqanta yachanaykipaj “¿Se acerca el fin del mundo? ¿Qué es el apocalipsis?” nisqa yachaqanata leeriy.
Kay mundopi imaschus kananmanta imatachus Biblia nisqanta yachanaykipaj “¿Cuándo será el fin del mundo?” nisqa yachaqanata leeriy.
Ama manchachikunachu
Kay mundopi tukuy ima pasajtinpis Bibliapi niwanchej ama manchachikunata. ¿Imatá ruwasunman mana manchachikunapaj?
Bibliapi ashkha yuyaychaykuna tiyan (2 Timoteo 3:16, 17). Kausayninchejpi llakiykuna kajtinpis imaynatachus Biblia mana manchikunapaj yanapawasqanchejta yachanaykipajqa “Qué puedo hacer para no preocuparme tanto” nisqa yachaqanata leeriy.
Biblia niwanchej aswan qhepaman uj sumaj kausay kananta (Romanos 15:4). Willallawanchejtaj imaynachus chay kausay kananta. Chaytaj yanapawasun kay mundopi ashkha llakiykuna kajtinpis mana anchata llakikunapaj.
Bibliamanta astawan yachakuyta munanki chayqa, kunanpacha Jehovaj testigosninwan Bibliamanta yachakuy.
a Boletín de Científicos Atómicos nisqapi kayta nin: “Fin del mundomanta reloj nispaqa mana uj relojmantapunichu parlashan, manaqa kay jallpʼanchejta runasllataj chinkachinankupaj jina kashasqankumanta parlashan. Chaytaj kashan tecnología astawan yapakusqanrayku. Chayrayku kausayta munanchej chayqa, chay tukuy problemasta usqhayllata allinchananchej tiyan” (Bulletin of the Atomic Scientists).
Kaykunatapis qhawaykurillawajtaj
BIBLIAMANTA TAPUYKUNA
¿Imataj Armagedón?
Armagedón palabraqa uj kutillata Bibliapi rikhurin. Jinapis enteron Biblia chay guerramanta parlan.
BIBLIAMANTA SUMAJ YACHACHIYKUNA
¿Imaraykutaj Dios llakiykuna kananta saqen?
Biblia imatachus chaymanta nisqanta yachaytaj sonqochawanchej.
¡RIJCHʼARIY!
Diospa yachachiykunasnenqa suyakuyta qowanchej
Imatachus Dios qhepaman ruwananta yachayqa suyakuyniyoj kanapaj yanapawanchej.
BIBLIAMANTA SUMAJ YACHACHIYKUNA
¿Imapajtaj Dios jallpʼata ruwarqa?
Kay jallpʼanchejqa manchay kʼachitupuni. Diosqa jallpʼanchejta mana intej qayllitanpichu churarqa, nitaj intimanta ancha karupichu. Chantapis mana ancha usqhayta, nitaj ancha apurayta muyunanpaj jina ruwarqa. ¿Imajtintaj Diosninchej ajinata kay jallpʼata ruwarqa?
