Guerras: ¿Imatataj Diospa Gobiernon ruwanqa?
Guerrasqa mundontinpi ashkha llakiykunata rikhurichishallanpuni, may chhika runastataj sufrichishan. Wakin willaykunata qhawariy:
“1994 watamantapacha, qayna wataqa guerrasrayku ni jaykʼaj jina astawan runas wañorqanku. Chaytaj Etiopiapiwan Ucraniapiwan astawan rikukorqa” (Instituto de Investigación para la Paz de Oslo, 7 de junio de 2023).
“Ucraniapi guerra kasqanqa, 2022 watapi jallpʼantinpi yapakusqan chʼajwasmanta ujnillan kashan. Mundontinpi politicarayku chʼajwasqa may jintapuni yapakorqa. Chaynejtataj 1.700 millones runas jina ñakʼarerqanku” (Proyecto de Datos de Localización y Eventos de Conflictos Armados [ACLED], 8 de febrero de 2023).
Bibliaqa uj sumaj willayta qowanchej. Chaypi nin: “Cielopi kaj Diosqa uj gobiernota sayarichenqa, chay gobiernotaj ni jaykʼaj chinkachisqachu kanqa” (Daniel 2:44). Diosqa chay Gobiernonejta ‘jallpʼantinpi guerrasta tukuchenqa’ (Salmo 46:9).
Kaykunatapis qhawaykurillawajtaj
BIBLIAMANTA SUMAJ YACHACHIYKUNA
¿Imastataj Diospa Gobiernon ruwanqa?
Jesusqa kay Jallpʼapi kashaspa Diospa Gobiernonmanta astawan parlarqa, ni imamantapis jinata parlarqachu. Jesuspa yachachisqasnenqa, chaymantapacha Diospa Gobiernon jamunanta mañakunku.
BIBLIAMANTA TAPUYKUNA
¿Maykʼajllapis kay jallpʼapi allin kausay kanqachu?
Diospa Gobiernon imaynatachus allin kausayta apamunanmanta yachakuy.
BIBLIAMANTA SUMAJ YACHACHIYKUNA
¿Imapajtaj Dios jallpʼata ruwarqa?
Kay jallpʼanchejqa manchay kʼachitupuni. Diosqa jallpʼanchejta mana intej qayllitanpichu churarqa, nitaj intimanta ancha karupichu. Chantapis mana ancha usqhayta, nitaj ancha apurayta muyunanpaj jina ruwarqa. ¿Imajtintaj Diosninchej ajinata kay jallpʼata ruwarqa?
