Catholic News Service nisqa noticiaspi willakorqa, 25 de marzo de 2022 pʼunchaypi, Iglesia de San Pedro nisqapi uj misa ruwakusqanta. Chay misapeqa papa Francisco virgen Mariaj ñaupaqenman sayaykuspa “kʼumuykukorqa, ñawisninta chʼirmiykuspataj chʼinllamanta uj oracionta ruwaspa Mariamanta mañakorqa” allin kausay kananta. Internetpi Vatican News nisqapitaj willakorqa: “Papaqa Inmaculado Corazón de María nisqaman rezakorqa runaspura allinta kausakunankupaj, astawanqa Rusiawan Ucraniawan”, nispa.

 ¿Qan ima niwajtaj? ¿Allinchu kanman santosmanta mañakunanchej chayri Diosta yupaychanapaj santosta apaykachananchej? Kay versículos imatachus nisqanpi piensariy:

•   “Ama ima santotapis chayri waj imastapis ruwakunkichu yupaychanaykipaj, ni cielopi kajman rijchʼakojta, ni kay jallpʼapi kajman rijchʼakojta, nillataj yakuspi kajman rijchʼakojtapis. Ama chaykunaman qonqorikunkichu, nitaj chaykunata sirvinaykipaj aysachikunkichu. Noqa Jehová Diosniykeqa munani noqallata yupaychanawankuta” (Éxodo 20:4, 5). a

•   “Chay nacionespa santosninkoqa qolqellamanta, qorillamanta ruwasqa kanku. Runaj ruwasqallan kanku. Simiyoj kanku nitaj parlankuchu. Ñawisniyoj kanku nitaj rikunkuchu. Ninrisniyoj kanku nitaj uyarinkuchu. Senqayoj kanku nitaj muskhinkuchu. Makisniyoj kanku nitaj imatapis japʼiyta atinkuchu. Chakisniyoj kanku nitaj puriyta atinkuchu. Nitaj kunkankumanta imapis uyarikunchu. Chay santosta ruwajkunaqa chay santos jinallataj kanqanku. Chay santospi atienekojkunapis chay santos jinallataj kanqanku” (Salmo 115:4-8).

•   “Noqa Jehová kani. Chaymin suteyqa. Jatun kayniytaqa mana pimanpis qonichu, nillataj yupaychasqa kanaytapis santosman qonichu” (Isaías 42:8).

•   “Santosta yupaychaymanta ayqeychej” (1 Corintios 10:14).

•   “Karunchakuychej qhasi manakaj dioskunamanta” (1 Juan 5:21).

 Santosta yupaychaymanta imatachus Biblia nisqanmanta astawan yachakunaykipaj, “El punto de vista bíblico: Las imágenes” nisqa yachaqanata leeriy, chayri ¿Dios munanchu santosman qonqorikunanchejta? nisqa videota qhawariy.

 Ichapis yachayta munallawajtaj imatachus Biblia nisqanta kay imasmanta:

•   “¿Qué dice la Biblia sobre la virgen María?”

•   “¿Debería usted rezarle a la Virgen María?”

•   “¿Son señales de Dios los milagros y apariciones?”

•   “¿Maykʼajllapis kay jallpʼapi allin kausay kanqachu?”

Maymantachus fotos orqhokusqan: Vincenzo Pinto/AFP via Getty Images