Kay julio de 2022 watapi jallpʼantinpi aswan calor kashan.

•    Kay 25 de julio de 2022 fechapi servicio de noticias de la CNN nisqa nerqa: “China suyupi willakun casi 70 llajtaspi kay killa astawan calor kananta”, nispa.

•    Kay 17 de julio de 2022 fechapi The Guardian nisqa periódico nerqa: “Sinchʼi calor kasqanrayku Europapi ashkha montes ruphaykushan”, nispa.

•    Kay 24 de julio de 2022 fechapi The New York Times nisqa periódico nerqa: “Domingopeqa Estados Unidospa wakin llajtasninpi ni jaykʼaj jina ruphamorqa. Chaytaj karqa inti llojsimuy ladopi, sur ladopi, chaupinejpi sinchʼi calor kasqanrayku”, nispa.

 Ajina kajtin, ¿aswan qhepaman niñachu jallpʼa kausanapaj jina kanqa? ¿Imatá Biblia chaymanta nin?

 Arí. Bibliaqa willarqaña imaschus kay tiemponchejpi kananta. Jesús nerqa kay tiempopi “mancharina imasta” rikunanchejta (Lucas 21:11). Sapa kuti astawan ruphamusqanqa runasta mancharichin. Chayrayku ashkha runasqa yuyanku, runasllataj jallpʼanchejta aswan mana allinman tukuchinankuta.

 Mana jinachu kanqa. Diosqa kay jallpʼata ruwarqa runas chaypi wiñaypaj tiyakunankupaj (Salmo 115:16; Eclesiastés 1:4). Chayrayku payqa mana saqenqachu runas kay jallpʼata pierdechinankuta. Astawanpis payqa nin ‘jallpʼata pierdechejkunata’ chinkachinanta (Apocalipsis 11:18).

 Qhawarina ima iskay imastawanchus Dios jallpʼanchejmanta nisqanta.

•    “Chʼin jallpʼawan tʼajra jallpʼawanqa kusikonqanku, chʼaki pampapis kusikonqa, azafrán tʼika jinataj tʼikarenqa” (Isaías 35:1). Diosqa mana saqenqachu kay jallpʼanchej chʼinman tukunanta, astawanpis payqa kay jallpʼa allinman tukunanpaj tukuy imata allinchanqa.

•    “Qanmin jallpʼata sumajta cuidanki. Sumaj jallpʼaman tukuchinki, sumajta poqochinki” (Salmo 65:9). Diosqa kay jallpʼanchejta uj kʼachitu paraisoman tukuchenqa.

 Biblia nisqanman jinapuni astawan calor kashan. Chaymanta astawan yachanaykipaj “¿Qué dice la Biblia sobre el cambio climático y nuestro futuro?” nisqa yachaqanata leeriy.

 Bibliaj nisqanman jina jallpʼanchej allinman tukunanmanta astawan yachakunaykipaj, “¿Quién salvará el planeta?” nisqa yachaqanata leeriy.