Runasqa munanku atienekunapaj jina kamachejkunata. Imajtinchus niña yachayta munankuchu allinnillankuta maskʼaj politicosmanta, pikunachus suwakunku, leyestataj pʼakinku chaykunamanta. Kay 2023 watapi ashkha suyusmanta runasta tapukorqa imatachus kamachejkunamanta yuyasqankuta. Paykunataj nerqanku kamachejkunaqa mana atienekunapaj jinachu kasqankuta. a

 Bibliaqa parlan uj sumaj gobiernomanta. Chay gobiernopi Kamachejtaj atienekunapaj jina, cheqan kajtapunitaj ruwanqa, nitaj jaykʼajpis suwakonqachu. Chay Kamachejtaj Jesucristo kashan, payqa Diospa Gobiernonpi kamachenqa (Isaías 9:7).

 Jesusqa kay jallpʼapi kashaspa rikucherqaña runasta yanapaytapuni munasqanta (Mateo 9:35, 36). Payqa justiciata ruwanqa, allin kausaytataj apamonqa payta kamachejninkuta jina japʼikojkunapaj (Salmo 72:12-14).