JW LIBRARY
Bibliasta uraqachiy, waqaychaytaj (Android)
Kay JW Library nisqa programaqa Bibliata leenapaj, estudianapaj ima wakichisqa kashan.
Bibliasta uraqachinaykipaj, waqaychanaykipajtaj kay urapi nikusqanman jina ruway:
Bibliata uraqachinaykipaj
Waj parlaypi Bibliasta uraqachiytawan mana Internetman yaykuspalla leeyta atinki.
Lloqʼe ladomanta dedoykiwan aysarispa Biblia nin, chayman ñitʼiy, Bibliaj librosnin rikhurinanpaj.
Chantá Idiomas nin chayman ñitʼiy ashkha parlaykunapi Biblias rikhurinanpaj. Mayqen Bibliatachus astawan leenki chay ñaupajta rikhurin. Chantapis chay listapi anotawaj munasqayki Bibliata. Kay jinata, “int” letrasta inglespi Kingdom Interlinear nisqa Bibliata chayri “port” letrasta portuguespi tukuynin Bibliasta tarinaykipaj.
Uj Bibliata manaraj uraqachinkichu chayqa uj phuyitu rikhurenqa. Uraqachinaykipajqa, mayqen Bibliatachus munanki chayta ñit’iy. Uraqachisqaykitawantaj chay phuyitu chinkaponqa. Watejmantataj Bibliata ñitʼiy leenaykipaj.
Ima parlaypichus munanki chay Biblia mana kajtenqa, aswan qhepaman maskʼay. Bibliasqa kasqanman jina yapakun.
Uj Bibliata Borranapaj
Manaña necesitasqayki Bibliataqa borrarpawaj, chayri tabletayki ancha juntʼaña kajtenqa borrarpallawajtaj.
Lloqʼe ladomanta dedoykiwan aysarispa Biblia nin, chayman ñitʼiy. Chantá Idiomas nin chayman ñit’iy ashkha parlaykunapi Biblia rikhurimunanpaj. Chantá kinsa puntitos tiyan chayman ñitʼispa niña munasqayki Bibliata borray, ñitʼispa borray.
Uj Biblia allinchakusqanta uraqachinaykipaj
Wakin kuti rikhurenqa uraqachisqayki Biblia allinchakusqan.
Chay Biblia allinchakun chayqa, chay laditunpi iskay flechitas rikhurenqa. Bibliapi ñitʼijtiykitaj uj mensaje rikhurimonqa. Descargar ahora nin chaypi ñitʼiy allinchakunanpaj chayri Descargar después nin, chayta ñitʼiy kapususqan Bibliata leenallaykipajpuni.
Kay imasqa 2015 febrero killapi llojsimorqa JW Library 1.4 nisqawan. Chaytaj qochin sistema operativo Android 2.3 nisqapi chayri aswan mosoj llojsimojkunapi. Sichus celularniykipi chayri tabletaykipi mana qochinchu chayqa, “JW Library nisqa programata rejsiy (Android)” nisqaman yaykuy. Chaypitaj “Actualización” nisqata maskʼay.
