JW LIBRARY
Imaynatá Bibliapi chayri uj publicacionpi maskʼana (Android)
Kay JW Library nisqa programa yanapawanchej Bibliapi chayri uj publicacionpi uj palabrata chayri ashkha palabrasta maskʼanapaj.
Kay urapi nikusqanman jina ruway Bibliapi chayri uj publicacionpi maskʼanaykipaj:
¿Imaynatá Bibliapi maskʼawaj?
Bibliapi leeshaspa uj palabrata chayri ashkha palabrasta maskʼanaykipajqa pata kantitupi uj lupa tiyan chayman ñitʼiwaj, chantá Buscar nin chayman ñitʼiy. Munasqayki palabratataj qhelqawaj. Qhelqasqaykiman jinataj wakin palabras rikhurimonqa. Uj palabrata chayri kay lupata ñit’iykuwaj, maykunapichus rikhurisqanta yachanaykipaj.
Versículos más relevantes nisqapi rikhurimonqa astawan leesqayki versículos, maskʼasqaykiman jina. Todos los versículos nin chaypitaj rikhurimonqa maskʼasqaykiman jina tukuy versículos uj listapi Bibliaj librosninman jina. Artículos nisqata ñitʼijtiykitaj, ima palabratachus mask’ashanki Bibliaj qallariyninpi chayri tukukuyninpi rikhurenqa.
Mana uj palabrallatachu qhelqarqanki chayqa, Frase exacta nin chaypi ñitʼiy qhelqasqaykiman jina palabras rikhurimunanpaj.
¿Imaynatá publicacionpi maskʼawaj?
Uj publicacionta leeshaspa uj palabrata chayri ashkha palabrasta maskʼanaykipaj Buscar nin chaypi ñitʼiy. Munasqayki palabratataj qhelqawaj. Qhelqasqaykiman jinataj wakin palabras rikhurimonqa. Uj palabrapi ñitʼiy chayri tecladopi uj lupa dibujasqa kashan chayman ñitʼiy, maykunapichus rikhurisqanta yachanaykipaj.
¿Imaynatá uj yachaqanata maskʼawaj?
Perspicacia para comprender las Escrituras nisqa librota uraqacherqanki chayqa chaypi maskʼallawajtaj, mayqen Bibliata chayri publicacionta leeshaspapis.
Buscar nin chayman ñitʼispa imatachus tariyta munasqaykita qhelqay. Qhelqashajtiykitaj Perspicacia libropi imaschus kasqanman jina wakin yachaqanas rikhurimonqa. Ajllaspa ñitʼiy chay yachaqanata leenaykipaj.
Kay imasqa 2014 octubre killapi llojsimorqa JW Library 1.3.4 nisqawan. Chaytaj qochin sistema operativo Android 2.3 nisqapi chayri aswan mosoj llojsimojkunapi. Sichus celularniykipi chayri tabletaykipi mana qochinchu chayqa, “JW Library nisqa programata rejsiy (Android)” nisqaman yaykuy. Chaypitaj “Actualización” nisqata maskʼay.
