JW LIBRARY
Marcadores nisqa yanapa (Android)
Kay JW Library nisqa programapi Marcadores nisqa tiyan leeshasqanchej publicacionta señalakunapaj, uj libropi jina. Sapa publicacionpaj 10 colorcitos tiyan
Kay urapi nikusqanman jina ruway marcadores nisqawan yanapachikunaykipaj:
¿Imaynatá marcadores nisqawan señalakuwaj?
Kay marcadores nisqawanqa señalawaj uj yachaqanata, uj capitulota, uj parrafota chayri uj versiculota.
Uj yachaqanapi chayri uj capitulopi señalanapaj, Marcadores nisqaman ñitʼiy. Chantá ashkha marcadores cintitas jina rikhurimonqa chay publicacionpi marcanapaj. Mayqellanmanpis ñitʼispataj señalakuwaj uj librota chayri uj capitulota.
Uj parrafota chayri uj versiculota señalakunaykipajqa, chay parrafotaraj, chayri chay versiculotaraj ñitʼiy, chaymantataj kay cintitata Marcadores nisqata.
¿Imaynatá uj señalakusqaykita tariwaj?
Uj libropi señalasqaykita tarinaykipajqa chay librota kichariy, chaymantataj chay Marcadores nisqata ñitʼiy. Chaypitaj señalakusqaykita ñitʼiy.
¿Imaynatá señalakusqaykita borraaj chayri cambiawaj?
Señalakusqaykita manaña necesitaspataj borrapuwaj chayri cambiawaj.
Borranapajqa patapi kaj cintitaman ñʼitiy. Chaymantataj kay kinsa puntitosman ñitʼiy. Borrar nisqaman ñitʼiy.
Wajtañataj señalakuyta munanki chayqa, cintitaman ñitʼiy. Chaymantataj kinsa puntitospi ñitʼiy. Reemplazar nisqaman ñitʼiy. Kunanqa wajñataj señalasqa kanqa. Kay yanapaqa sumajpuni leeshaspa señalakusqanchejta yachanapaj. Bibliata sapa día leespa maypiñachus kasqaykitapis señalakuwaj.
Kay imasqa 2014 mayo killapi llojsimorqa JW Library 1.2 nisqawan. Chaytaj qochin sistema operativo Android 2.3 nisqapi chayri aswan mosoj llojsimojkunapi. Sichus celularniykipi chayri tabletaykipi mana qochinchu chayqa, “JW Library nisqa programata rejsiy (Android)” nisqaman yaykuy. Chaypitaj “Actualización” nisqata maskʼay.
