¡RICCHA RICCHALA CAYCÄNAPAJ!
2022: May chaycho nacaycunalata ricashcanchi | ¿Ima nintaj Biblia?
2022 watachoga noticiacunacho wiyashcanchi guerracunalapita, muchuycunalapita y cay Pachacho imayca desgraciacunalapita. Cay lapan canan wichan imanir pasashganpitaga Biblialami tantiachimanchi.
Cay 2022 wataga imaycacunami pasaycämun, ¿imanir-raj?
Canancama imaycacuna pasashganta ricaptinchega más segururä caycanchi ‘ultimu tiempucho’ cawaycashganchita (2 Timoteo 3:1 Margos Yarowilca Lauricocha, MYL). Cay ushanan tiempuga 1914 watachomi galaycamush. Mä ricarcushun imanotaj canan wichanpaj Biblia wilacushganga tincuycan, chaylaraj imayca pasashgancunawan.
‘Guerracuna’ (Mateo 24:6, MYL).
“2022: Europa sitiucho fiyupa guerra galaycush”. a
Cay yachachicuyta ricäriy “Rusia Ucrania naciunwan guerraman yaycush”.
“Muchuypis” (Mateo 24:7, MYL).
“2022: Micuyraycur may chaycho nacaycashgan”. b
Cay yachachicuyta ricäriy “Ucraniacho guerraraycur may chaycho muchuy miraycan”.
“Pesti qeshyapis” (Lucas 21:11, MYL).
“Polio nishgan gueshyapis yapay yurimoj, viruela del mono y COVID-19 gueshyacunapis jinala miraycämun. Pasaypa manchacunapaj gueshya caycan may chaycho jinala runacuna wanupäcuycan”. c
Cay yachachicuyta ricäriy “COVID gueshyawan 6 millones runacuna wanun”.
“Mantsakuypaq señalkunami rikakämunqa” (Lucas 21:11, MYL).
“2022 watachoga tamyapis usyapis desgraciacunalata apamush. Alapa achachaycaptenga, chacracunapaj yacu cashgachu y pasaypa locu tamya captenga may chaycho wasicunata juchuchish..., Jina chayraycur achca runacuna wanupäcush, waquincunaga marcanta jaguirir aywacärish”. d
Cay yachachicuyta ricäriy “Entero munducho pasaypa shanaycan”.
Contran ‘contran jatarejcuna’ (Lucas 21:9 Tayta Diosninchi Isquirbichishan, TDI).
“Ichic marcacunacho jatun naciuncunachopis achca runacuna piñashga carcaycan, micuynincunapaj guellaynincuna mana aypaptin. Chaymi runacunaga jucnin jucnin gobiernuncunapa contrancho jataripäcushga huelgatapis protestatapis rurar masraj cay 2022 watacho”. e
Cay yachachicuyta ricäriy “May chaycho lapan cosascunapa preciun pasaypa wichaycan”.
Cay 2023 wata, ¿imanoraj caway canga?
Cay shamoj watacho ima pasananpaj cajtaga pipis musyanchu. Ichanga seguro caycanchi cielucho Jehová camacächishgan gobiernun chayamunanpäna caycashganta (Daniel 2:44). Chay gobiernulami cay Pachapita ilgächenga lapan nacachimashganchicunata, chaynopa cay Pachacho Diospa munaynin ruracänanpaj (Mateo 6:9, 10).
Alichi canman Jesús wilacushgancunaman yarpachacuptiqui jina Biblia wilacushgan imano canan wichan cumplicaycashganman (Marcos 13:37). Maslata yachacuyta munarga juc Jehovapa testigun watucamushunayquipaj guelgarcamuy yachacunayquipaj canga imanotaj gamtapis y familiayquitapis canan wichan y shamoj tiempucho Biblia yanapäshunayquipaj.
a Jill Lawless: “2022 Was Year the Horror of War Returned to Europe,” AP News, 8 de diciembre de 2022.
b “Una crisis alimentaria mundial”, Programa Mundial de Alimentos.
c Lawrence O. Gostin, JD: “Living in an Age of Pandemics—From COVID-19 to Monkeypox, Polio, and Disease X”, JAMA Health Forum, 22 de septiembre de 2022.
d Martina Igini: “What’s Behind the Record-Breaking Extreme Weather Events of Summer 2022?”, Earth.Org. 24 de octubre de 2022.
e Thomas Carothers y Benjamin Feldman: “Economic Anger Dominated Global Protests in 2022”, Carnegie Endowment for International Peace, 8 de diciembre de 2022.
Caypis gustashunquimi
ENSEÑANZAS IMPORTANTES DE LA BIBLIA
¿Imataj Diospa Gobiernun?
Jesús cay pachacho caycaptinmi imaypis Diospa Gobiernunpita parlacurgan. Unaypita canancama runacuna Diosta mañacushga Gobiernun shamunampaj.
ALI YACHACUNAPAJ BIBLIA YACHACHICUSHGAN
Diospa Gobiernunga 1914 watacho galaycamush
2,500 watacunanonami pasashga juc reyta Jehová sueñuchishganta, cayga canan cumplicuycan.
NOGACUNAPITA
Bibliapita juc Testigo yachachishunayquipaj mañacuy
Juc Jehovapa testigunwan parlapacuriy Bibliapita, o cay sitiulachopis yaycurinquiman gratisla yachacunayquipaj.
