¡RICCHA RICCHALA CAYCÄNAPAJ!
¿2023 watacho alicuna pasananta shuyarashwanchuraj? ¿Ima nintaj Biblia?
2023 watata galaycunapäga noganchipaj y familianchipaj ali caway canantami shuyaraycanchi. ¿Imanirtaj lapanchi chayta munanchi?
Diospa Palabranga ali caway cananpämi wilamanchi
Bibliaga ali caway chayamunanpämi wilacun. Canan wichan imayca pasaycashgancuna ichiclachona ushacänanpaj cajtapis wilacunmi. Aumi, Bibliaga caytami nin: “Palabranta yachakurmi payman yärakur musyantsi promitishqankunata cumplinanpaq kashqanta” (Romanos 15:4, Margos Yarowilca Lauricocha, MYL).
Diospa ali wilacuyninpita maslata yachacuyta munarga, cay yachachicuyta leiriy “La esperanza real de un mañana mejor”.
Ima shuyaraycashganchega canan wichanpis mayna cushichimanchi
Ima shuyarashganchi Biblia wilacushganga cawayninchipaj “anclanömi kaykan” (Hebreos 6:19, notata ricäriy, MYL). Chayta musyarga shacyächimanchi alapa mana yarpachacunapaj. Jina ima shuyarashganchega cushi cushila canan wichan y shamoj tiempucho caycänapämi yanapämanchi. ¿Rasunpachu chayga? Ishcaylata ricärishun:
Yachacuy imanotaj Bibliaga juc runata yanapargan ima viciuwan nacaycashganta vencinanpaj. Cay videuta ricäriy “Cawaynëga pasaypa mana ali cargan”.
Yachacuy imanotaj Biblia yanapacun maygan castanchilapis wanuptin. Cay videuta ricäriy Laquicuypämi cuyashganchi wanuptin.
Ima shuyaraycashganchimanga jinala yarpaycäshun
Achca runacuna nipäcun ‘ichanga cay wataga ali cawacurna galaycushun’, pero nircur cuentata gocärin ali cawananpäga sasa cashganta. Ichanga Biblia wilacushganga jucnomi caycan. ¿Imanir? Diospa Palabrancho lapan wilacuycunaga quiquin Jehová a Diospitami shamun, payga “manami lulakuntsu” (Tito 1:2, MYL) Taytalanchi Jehovalami lapan aunicushganta cumplimunga; payga lapan “munashqantami ruran” (Salmo 135:5, 6, MYL).
Munayculanchimi gampis Bibliacho rasunpa cajta yachacunayquipaj. Masraj yäracurcunayquipaj “Tayta Diospa palabranta waran waran” yachacunquimanmi (Hechos 17:11, MYL). Ricäriy imanotaj gratisla Bibliapita yachachicunchi. 2023 watacho galaycunquiman ali wilacuycunapita yachacur.
a Diosninchipa jutin Jehová (Salmo 83:18).