¡RICCHA RICCHALA CAYCÄNAPAJ!
Cristianucuna y guerrapis | ¿Imataj Bibliaga nin?
Ucraniacho guerra cashganga claro ricächimanchi imano achca cristiano nej pushacoj religiosucuna guerracunata yanapashgantami. Ricäriy imano chayta rurashganta:
“Alapa agradecicuyculanchi lapan soldaducunata Ucrania marcanchita defendinanpaj peliaycashganpita […]. Imaypis gamcunawan carcaycä y gamcunapaj mañacuycäshaj” (metropolitano Epifanio I de Kiev, The Jerusalem Post, 16 de marzo de 2022).
“Cay domingo, Iglesia ortodoxa rusa nishganpa pushacojnin juc misata rurargan ruso soldaducunapaj, paycunata shacyächergan rusucuna musyashganno marcanta defendinanpaj. Moscú jinala soldaduncunawan Ucrania marcata atacaycan” (Reuters, 3 de abril de 2022).
¿Cristianucunaga guerraman aywanmanchuraj? ¿Imataj Bibliaga nin?
Biblia wilacushgan
Bibliaga tantiachicun Jesucristupa rasunpa gatirajnincunaga guerracunaman aywanchu ni jaticanchu.
“Jesús niran: ‘Sabliquita churay. Pipis sabliwan wañuchicoj cäga sabliwanmi wañongapis’” (Mateo 26:52, Tayta Diosninchi Isquirbichishan).
Pipis guerrata yanapaptin o peliananpaj aywaptenga, ¿rasunpachuraj Jesusta cäsucuycan?
“Chaymi gamcunataga mushoj mandamintutana willapäshayqui: Jucniqui-jucniquipis cuyanacuy. Noga gamcunata cuyashänölla jucniqui-jucniquipis cuyanacunqui. Chayrämi runacuna musyanga rasunpa disïpulöcuna cashayquita” (Juan 13:34, 35, TDI).
Pipis guerracunata yanapaptenga, ¿Jesuspa rasunpa cuyacoj discipulunchuraj caycan?
Maslata musyayta munarga, “El cristianismo y la guerra: ¿son compatibles?” nishgan yachachicuyta leircamuy.
Canan wichan cristianucuna y guerracuna
¿Shuyarashwanchuraj cristianucuna canan wichan guerracunata mana yanapashganta? Aumi. Bibliaga wilacurgan “los últimos días” junajcunacho Jesús nishgannopis may chaypita runacuna “mananami guërrapäpis yachachinaconganachu” (Isaías 2:2, 4).
Maslata musyanayquipaj, “¿Qué piensa Dios de las guerras?” nishganpita yachachicuycunata leiramuy, La Atalaya revistapita.
Ichiclacho Taytalanchi Jehová, a “jauca cawachicog” Diosninchi, runacunata salvanga ‘magacoj runacunapitapis y nacaycho caj’ runacunatapis; chaytaga ruranga gobiernunwanmi (Filipenses 4:9; Salmo 72:14).
Chayta imano rurananpaj musyanayquipäga, ¿Imataj Diospa Gobiernun? videuta ricäriy.
a Diosnilanchipa jutinga Jehová (Salmo 83:18).