1 Crónicas 25:1-31
25 Tsaypitami soldädukunapa capitanninkunawan wilanakurkur runakunata David churarqan arpata, *salteriukunata y platïllukunata tukashpan Tayta Diospa wilakuyninta wilakärinanpaq. Wakin runakunaqa karqan Asafpa tsurinkuna, wakin karqan Hemánpa tsurinkuna y wakinnami karqan Jedutúnpa tsurinkuna.
2 Asafpa tsurinkunami karqan Zacur, José, Netanías y Asarela. Paykunapa dirigiqninmi karqan papänin Asaf. Paymi rey nishqannöla instrumentuta tukapaylapa cantashpan Tayta Diospa wilakuyninta wilakurqan.
3 Jedutúnpa tsurinkuna soqtami karqan. Paykuna karqan Gedalías, Zeri, Jesaías, Simei, Hasabías y Matatías. Mandaqninmi karqan papänin Jedutún. Paymi arpata tukashpan Tayta Diospa wilakuyninta wilakurqan. Tsaynöpami Tayta Diosta agradëcikur alabaq.
4 Hemánpa tsurinkunami karqan Buquías, Matanías, Uziel, Sebuel, Jeremot, Hananías, Hanani, Eliata, Gidalti, Romanti-ezer, Josbecasa, Maloti, Hotir y Mahaziot.
5 Paykuna lapan karqan Hemánpa tsurinmi. Tayta Diospa bendicionninwanmi Hemánpa chunka chusku olqu tsurinkuna y kimsa warmi tsurinkuna karqan. Hemánmi Tayta Diospa wilakuyninta tantiyatsiq. Tantiyatsishqanno mandarmi reyqa mas munayniyuq rikakurqan.
6 Asafpa tsurinkuna, Jedutúnpa tsurinkuna y Hemánpa tsurinkuna lapanmi taytan tantiyatsishqannöla Tayta Diospa templuncho platïllukunata, arpakunata y salteriukunata tukapäkuq. Imatapis rurapäkunanpaq kaqtaqa Asafta, Jedutúnta y Hemánta kikin reymi yätsiq.
7 Tukayta shumaq yachaqkuna y Tayta Diosta alabar cantaqkuna lapan karqan ishkay pachak pusaq chunka pusaqmi (288).
8 Tsawraqa cada ünun turnun töcashqan höra templucho tukananpaq suertita jitapäkuq. Suerti yarqamushqan tupumi mayor karpis shulka karpis, yachakuq karpis o yachatsikuq karpis tukapäkuq.
9 Suertita jitaptinmi puntata yarqamurqan Asaf aylu Josépaq. Paykunami tsurinkunawan y wawqinkunawan chunka ishkay karqan.Suertita yapay jitaptin yarqamurqan Gedalíaspaq. Paykunami tsurinkunawan y wawqinkunawan chunka ishkay karqan.
10 Suertita yapay jitaptin yarqamurqan Zacurpaq. Paykunami tsurinkunawan y wawqinkunawan chunka ishkay karqan.
11 Suertita yapay jitaptin yarqamurqan Izripaq. Paykunami tsurinkunawan y wawqinkunawan chunka ishkay karqan.
12 Suertita yapay jitaptin yarqamurqan Netaníaspaq. Paykunami tsurinkunawan y wawqinkunawan chunka ishkay karqan.
13 Suertita yapay jitaptin yarqamurqan Buquíaspaq. Paykunami tsurinkunawan y wawqinkunawan chunka ishkay karqan.
14 Suertita yapay jitaptin yarqamurqan Jesarelapaq. Paykunami tsurinkunawan y wawqinkunawan chunka ishkay karqan.
15 Suertita yapay jitaptin yarqamurqan Jesahíaspaq. Paykunami tsurinkunawan y wawqinkunawan chunka ishkay karqan.
16 Suertita yapay jitaptin yarqamurqan Mataníaspaq. Paykunami tsurinkunawan y wawqinkunawan chunka ishkay karqan.
17 Suertita yapay jitaptin yarqamurqan Simeipaq. Paykunami tsurinkunawan y wawqinkunawan chunka ishkay karqan.
18 Suertita yapay jitaptin yarqamurqan Azareelpaq. Paykunami tsurinkunawan y wawqinkunawan chunka ishkay karqan.
19 Suertita yapay jitaptin yarqamurqan Hasabíaspaq. Paykunami tsurinkunawan y wawqinkunawan chunka ishkay karqan.
20 Suertita yapay jitaptin yarqamurqan Subaelpaq. Paykunami tsurinkunawan y wawqinkunawan chunka ishkay karqan.
21 Suertita yapay jitaptin yarqamurqan Matatíaspaq. Paykunami tsurinkunawan y wawqinkunawan chunka ishkay karqan.
22 Suertita yapay jitaptin yarqamurqan Jeremotpaq. Paykunami tsurinkunawan y wawqinkunawan chunka ishkay karqan.
23 Suertita yapay jitaptin yarqamurqan Hananíaspaq. Paykunami tsurinkunawan y wawqinkunawan chunka ishkay karqan.
24 Suertita yapay jitaptin yarqamurqan Josbecasapaq. Paykunami tsurinkunawan y wawqinkunawan chunka ishkay karqan.
25 Suertita yapay jitaptin yarqamurqan Hananipaq. Paykunami tsurinkunawan y wawqinkunawan chunka ishkay karqan.
26 Suertita yapay jitaptin yarqamurqan Malotipaq. Paykunami tsurinkunawan y wawqinkunawan chunka ishkay karqan.
27 Suertita yapay jitaptin yarqamurqan Eliatapaq. Paykunami tsurinkunawan y wawqinkunawan chunka ishkay karqan.
28 Suertita yapay jitaptin yarqamurqan Hotirpaq. Paykunami tsurinkunawan y wawqinkunawan chunka ishkay karqan.
29 Suertita yapay jitaptin yarqamurqan Gidaltipaq. Paykunami tsurinkunawan y wawqinkunawan chunka ishkay karqan.
30 Suertita yapay jitaptin yarqamurqan Mahaziotpaq. Paykunami tsurinkunawan y wawqinkunawan chunka ishkay karqan.
31 Suertita yapay jitaptin yarqamurqan Romanti-ezerpaq. Paykunami tsurinkunawan y wawqinkunawan chunka ishkay karqan.
Ichic wilacuycuna
^ salteriu Salteriuqa taksha arpa niraqmi kaykan (1Sam. 10.5; 2Sam. 6.5; 1Rey. 10.12; 1Crón. 13.8; 15.28; 2Crón. 5.12; Sal. 33.2; 57.8; 81.2; Isa. 5.12).