1 Crónicas 4:1-43
4 Judápita miraqkunami karqan Fares, Hezrón, Carmi, Hur y Sobal.
2 Sobalpa tsurinmi karqan Reaía. Reaíapa tsurinmi karqan Jahat. Jahatpa tsurinmi karqan Ahumai y Lahad. Paykunami karqan zoratita runakuna.
3 Etampa tsurinkunami karqan Jezreel, Isma y Ibdas. Etampa warmi tsurinmi karqan Haze-lelponi.
4 Tsaynöpis Etampa tsurinkuna karqan Penuel y Ezer. Penuelpa tsurinmi karqan Gedor. Ezerpa tsurinmi karqan Husa. Lapan paykuna karqan Hurpita miraqkunami. Hurqa Efratapa qechpa tsurinmi karqan. Efratami karqan Belénpa taytan.
5 Tecoapa taytan Asurmi karqan ishkay warmiyuq. Tsay warminkunapa jutinmi karqan Hela y Naara.
6 Naarapa wawankunami karqan Ahuzam, Hefer, Temeni y Ahastari.
7 Helapa wawankunami karqan Zeret, Jezoar y Etnán.
8 Cospa tsurinkunami karqan Anub y Zobeba. Tsaynölami Cospita miraqkuna karqan Harumpa tsurin Aharhel aylu runakuna.
9 Lapan wawqinkunapita mas respitädumi Jabes karqan. Maman pasaypa wachakuyta nakashqa karmi jutinta churaparqan Jabes jutin kananpaq.
10 Israel runakunata kuyaq Tayta Diostami Jabes manakurqan kayno nir: “Tayta Dios, bendicionnikita qoykalämay chakräkuna mas atska kananpaq, ali kawanäpaq y ima desgraciapis mana pasamänanpaq”.
Tsayno manakuptinmi Tayta Dios yanaparqan.
11 Súapa wawqin Quelubmi karqan Mehirpa taytan. Mehir karqan Estónpa taytan.
12 Estónpa tsurinkunami karqan Bet-rafa, Paseah y Tehina. Tehinami Nahas markata sharkatsirqan. Paykunami karqan Reca markapita.
13 Cenazpa tsurinkunami karqan Otoniel y Seraías. Otonielpa tsurinkunami karqan Hatat
14 y Meonotai. Meonotaipa tsurinmi karqan Ofra. Seraíaspa tsurinmi karqan Joab. Joabpita miraqkunami *artesänu kar Carisim pampacho tarqan.
15 Jefonipa tsurinmi karqan Caleb. Calebpa tsurinkunami karqan Iru, Ela y Naam. Elapa tsurinmi karqan Cenaz.
16 Jehalelelpa tsurinkunami karqan Zif, Zifa, Tirías y Asareel.
17 Esdraspa tsurinkunami karqan Jeter, Mered, Efer y Jalón. Meredpa jukaq warmincho tsurinkuna karqan María, Samai y Isba. Isbapa tsurinmi karqan Estemoa.
18 Meredpa warmin karqan Faraónpa tsurin Bitia. Meredpa jukaq warminnami karqan Judá warmi. Paychömi Meredpa tsurinkuna karqan Jered, Heber y Jecutiel. Jeredqa karqan Gedorpa taytanmi. Hebermi karqan Socupa taytan. Jecutielnami karqan Zanoapa taytan.
19 Hodíaspa warminmi karqan Nahampa panin. Hodíaspa juk tsurinmi karqan Keilapa taytan y jukaq tsurinmi karqan Estemoapa taytan. Keilami karqan garmita runa. Estemoanami karqan maacateo runa.
20 Simónpa tsurinkunami karqan Amnón, Rina, Ben-hanán y Tilón.
Isipa tsurinkunami karqan Zohet y Benzohet.
21 Judápa juk tsurinmi karqan Sela. Selapa tsurinkunami karqan Er y Laada. Er karqan Lecapa taytan. Laadami karqan Maresapa taytan. Paykunami Bet-asbea markacho tar lïnupita imatapis shumaq awapäkuq.
22 Tsaynöpis Selapita miraqkunami karqan Joacim, Joás y Saraf. Joás y Sarafqa Moab aylu warmikunata ashirkurmi Belénman kutipäkurqan tsaycho tänanpaq. Tsaynölami Selapita miraqkuna karqan Cozeba markacho taqkuna. Tsay runakunapa jutinkunami qelqaraykan unay acta librukunacho.
23 Paykunami Netaim markacho y Gedera markacho tar reypaq mitu mankakunata rurapäkurqan.
Simeónpita miraqkuna
24 Simeónpa tsurinkunami karqan Nemuel, Jamín, Jarib, Zera y Saúl.
25 Saúlpa tsurinmi karqan Salum. Salumpa tsurinmi karqan Mibsam. Mibsampa tsurinmi karqan Misma.
26 Mismapa tsurinmi karqan Hamuel. Hamuelpa tsurinmi karqan Zacur. Zacurpa tsurinmi karqan Simei.
27 Simeipa olqu tsurinkunami karqan chunka soqta. Warmi tsurinkunami karqan soqta. Simeipa wawqinkunapami itsanqa tsurinkuna walkaqla karqan. Tsaymi Judá trïbu runakunanöqa Simeón trïbu runakuna aläpa mana mirashqatsu.
28 Simeón trïbu runakunami tarqan Beersebacho, Moladacho, Hazar-sualcho,
29 Bilhacho, Ezemcho, Toladcho,
30 Betuelcho, Hormacho, Siclagcho,
31 Bet-marcabotcho, Hazar-susimcho, Bet-biraicho y Saaraimcho. Tsay markakunami paykunapa karqan David rey kashqan witsanyaq.
32 Tsaynöpis Simeón trïbu runakuna pitsqa markakunachömi tarqan. Tsay markakunami karqan Etam, Aín, Rimón, Toquén y Asán.
33 Tsay markakunapa caseriunkuna karqan Baal partipa lindërunyaq. Simeón trïbu runakunapa jutinkuna y markankunapa jutinkuna qelqaraykan acta libruchömi.*
34 Simeónpita wakin miraqkunami karqan Mesobab, Jamlec, Amasíaspa tsurin Josías,
35 Joel y Josibíaspa tsurin Jehú. Josibíaspa taytanmi karqan Seraías. Seraíaspa taytanmi karqan Asiel.
36 Tsaynöpis Simeónpita wakin miraqkunami karqan Elioenai, Jaacoba, Jesohaía, Asaías, Adiel, Jesimiel, Benaía,
37 y Sifipa tsurin Ziza. Sifipa taytanmi karqan Alón. Alónpa taytanmi karqan Jedaías. Jedaíaspa taytanmi karqan Simri. Simripa taytanmi karqan Semaías.
38 Paykunami karqan aylunkunapa mandaqninkuna. Tsaynöpis paykuna ayluqa atskamanmi mirapäkurqan.
39 Atskaman mirarmi uywankunata mitsikunanpaq qewata ashir chayarqan Gedor partiyaq. Tsayqa karqan mayu nawpan pampapita inti jeqamunan kaq lädupami.
40 Tsaychömi uywankunapaq loqluypa loqluraykaq ali qewata taripäkurqan. Tsay partiqa tranquïlumi karqan. Tsayman chayashqan witsanmi tsaycho tarqan Cam aylu runakuna.
41 Gedor particho tayta munarmi jana läducho qelqaraykaq mandaq runakuna* chayaykur Cam aylu runakunata lapanta wanutsir ushapäkurqan. Wayinkunatapis y toldunkunatapis chipyaq ushakätsirqan. Tsayno pasarqan Judá nacionpa mandaqnin rey Ezequías mandashqan witsanmi. Atska qewa uywankunapaq kaptinmi tsaycho quëdapäkurqan.
42 Tsay Simeón trïbu runakunapitami pitsqa pachak (500) aywapäkurqan Seir jalqakunaman. Paykunapa mandaqninkunami karqan Pelatías, Nearías, Refaías y Uziel. Tsay mandaqkunaqa karqan Isipa tsurinkunami.
43 Tsayman chayaykurmi wanuypita qeshpiq amalecita runakunata ushakätsirqan. Tsayno ushakarkatsirnami paykuna kananyaqpis tsaycho tarkaykan.
Ichic wilacuycuna
^ artesänu Artesänukunaqa kaykan carpintërukuna, suëlapita obrakunata ruraqkuna, awaqkuna, mankata ruraqkuna y mas imatapis shumaq yachaq runakunapis.
^ 4.28-33 Jos. 19.2-8.
^ 4.41 1Crón. 4.36-37.
