Isaías 16:1-14
16 Moabita runakunami Judá nacionpa mandaqnin rey yanapananpaq ruwakur uyshakunata apatsinqa.Tsaki jirkacho kaq Sela markapita patsami *Sión jirkanman apatsinqa.
2 Moabpita qeshpiq warmikunanaqa Arnón mayu väducho juntakaykurmi shuyarpanqa.Tsay warmikunaqa imapis mantsakätsiptin qeshwanpita aywakuq pishqunömi mantsa mantsa kanqa.
3 Jerusalén runakunata ruwakurmi kachankuna kayno nipäkunqa:“¡Kuyapämashpayki yanapaykalämay!¡Conträkunapita tsapaykalämay!¡Qeshpiykämuptïqa ama kachaykalämaytsu!
4 ¡Qamkuna kaqman amparakamuptï pakaykalämay!¡Ushakätsimayta munaqkunapita tsapaykalämay!”
Moabita runakuna, imay karpis chikishuqnikikuna ushakanqami.Ushakätsishuqnikikuna wanunqami.Wanutsishuqnikikuna aywakunqami.
5 Davidpita miraqmi itsanqa rey kanqapaq.Payqa kanqa kuyapäkuqmi.Payqa kanqa mana chaskipakuq juezmi.Payqa mana shuyarätsiylapami pitapis ali arreglanqa.
6 Musyantsimi moabita runakuna pasaypa runa tukushqanta.Paykunaqa wakinpita masmi munayniyuq tukärin.Manami pitapis respitapäkuntsu.Pasaypa baduläquimi karkaykan.
7 Tsayno kashqanpitami moabita runakuna fiyupa waqapäkunqa.Kir-haresetcho rurapäkushqan päsaslan atipay biscöchukuna ushakaptinmi fiyupa lakikur waqapäkunqa.
8 Hesbóncho y Sibmacho kaq üvakuna äjusyanqami.Nacionkunapa mandaqninkuna atacarmi ali wayuq üvakunata jarur ushanqa.Jazeryaq y chunyaq jirkayaqmi tsay üvakuna plantaraykan.Tsaynöpis *Kachi Lamar tsimpanchöpis alimi wayun.
9 Sibmacho üvakuna ushakaptin Jazercho waqapäkushqannömi noqapis fiyupa waqashaq.Hesbón y Eleale markakunatapis weqïwanmi parqushaq.Üva cosëcha witsan cosechananpa trukanqa atacaq soldädukunawan pelyarmi qaparpanqa.
10 Tsaymi ali wayuq chakrakunacho kushikuypis mana kanqanatsu.Üva chakrakunachöpis manami cantanqanatsu.Üva jarukuna batyakunachöpis mananami vïnupaq üvata jarunqanatsu.Manami kushikur qaparpanqanatsu.
11 Tsaymi Moab nacionpaq y Kir-hareset markapaq lakikü.Waqay waqayta arpa waqashqannöraqmi shonqulächo lakikur waqaykä.
12 Yanqalapaqmi moabita runakuna altarninkunamanpis utikashqanyaq aywapäkunqa.Manakaqlapaqnami templunmanpis rezakuq aywapäkunqa.
13 Moab nación tsayno ushakänanpaqmi unaypita patsa TAYTA DIOS nirqan.
14 Kananqa TAYTA DIOS kaynömi nin: “Kananpita kimsa watatami Moab nación runakuna tsaytsika kashqanpita walkalana quëdanqa. Kimsa wata arunanpaq conträtu ruraq runa cada junaqta yuparashqannömi tsay kimsa wata yupashqala kanqa”.
Ichic wilacuycuna
^ Sión Siónqa Jerusaléncho jirkanmi kaykan. Siónchömi Davidpa Markan karqan y templuta sharkatsipäkurqan (Sal. 2.6; 9.11; 132.13). Tsaymi Jerusalén markapa jukaq jutin Sión kaykan (2Crón. 5.2). Bibliachömi Siónta parlapan warmita parlapaqno (Isa. 49.15, 22; Lam. 2.1).
^ Kachi Lamar Kachi Lamarqa (Gén. 14.3; Núm. 34.3) chusku pachak ishkay kimsa (423) metru bajo el nivel del marmi kaykan. Anchunmi chunka pusaq kilömetru kaykan y largunnami pusaq chunka (80) kilömetru. Kachi Lamarmanqa Jordán mayumi yaykuykan. Maypapis yaku mana yarquptinmi tsay lamarqa pasaypa pochquq kaykan. Tsaymi ima jachapis ni ima pescädupis tsaycho kantsu. Kachi Lamarpa jukaq jutinmi kaykan Arabá Lamar (Deut. 3.17; Jos. 3.16) y jukaq jutinnami kaykan inti jeqamunan kaq lädu qocha (Eze. 47.18; Zac. 14.8). Kananqa runakuna reqipäkun Mar Muerto jutiwanmi.
