Isaías 35:1-10
35 Tsay witsanmi chunyaq jirkapis y tsaki pampakunapis kushikunqa.Qara pampakunachöpis qewa loqluypa loqlur winarmi tuktunqa.
2 Waytakunapis chinyaraypami tuktunqa.Pampakunapis kushishqami cantanqa.Muntikunapis Líbano muntikunanömi kuyaylapaq kanqa.Chakrakunapis Carmelucho y Saróncho kuyaylapaq kashqannömi kanqa.Tsawraqa pïmaypis tantiyanqa TAYTA DIOSNINTSI munayniyuq kashqanta.
3 Makiki warkakaqno mananiraykarpisy qonqurniki watakaqno qasakarpis valurapäkuy.*
4 Mantsakuqkunata kayno nishun:“¡Ama mantsakäriytsu!¡Valurapäkuy!¡Tayta Diosnintsi yanapashunkimi!Nakatsishuqnikikunatami castiganqa.Kikin shamurmi salvashunki”.
5 Tsaymi qaprakunapis rikanqana.Mana mayaqkunapis mayanqana.
6 Weqrukunapis luychunöraqmi pañanqa.Shimin mana pashtaqkunapis kushikurmi cantanqa.*
Chunyaq jirkakunachöpis atskami yaku pashtanqa.Tsaki jirkakunapapis mayunöraqmi yaku aywanqa.
7 Pasaypa qochami tsaycho rikakunqa.Pukyukunapis pashtamunqami.*Chacalkuna tashqankunachöpis shoqushkuna y ututukunami winamunqa.
8 Tsaypami nänipis aywaranqa.Tsay nänipa jutinmi kanqa Diosman Chayana *Sagrädu Näni.Jutsata ruraq runaqa manami tsay nänipa purinqatsu.Mana tantiyakuq runakunaqa tsay näniman manami jaruylapis jarunqatsu.Tayta Dios munashqanno kawaq runakunalami tsay nänipaqa purinqa.*
9 Tsaypaqa leonkunapis manami purinqatsu.Jatusaq chucaru uywakunapis manami yaykunqatsu.Tsay nänipaqa salvashqa kaq runakunalami purinqa.
10 TAYTA DIOS salvashqan runakunami tsay nänipa Jerusalénman kutipäkamunqa.Kushishqa cantaraykarmi *Siónman yaykapäkamunqa.Tsaychömi imaypis kushishqa kawapäkunqa.Kushishqa ali kawaptinmi lakikuypis ni waqaypis mana kanqanatsu.*
Ichic wilacuycuna
^ 35.3 Heb. 12.12.
^ 35.5-6 Mat. 11.5; Luc. 7.22.
^ chacal Chacalqa atuq niraq jirka uywami kaykan. Chacalqa atuqpita mas jatulanmi. Atuqkunaqa castankunawanmi puripäkun. Chacalkunami itsanqa majanwan majanwan puripäkun (Isa. 13.22; Jer. 9.11; Lam. 4.3).
^ sagrädu Liyinki santupita tantiyatsikuyta.
^ 35.6-8 Isa. 41.18; 43.19-20; 44.3-4.
^ Sión Siónqa Jerusaléncho jirkanmi kaykan. Siónchömi Davidpa Markan karqan y templuta sharkatsipäkurqan (Sal. 2.6; 9.11; 132.13). Tsaymi Jerusalén markapa jukaq jutin Sión kaykan (2Crón. 5.2). Bibliachömi Siónta parlapan warmita parlapaqno (Isa. 49.15, 22; Lam. 2.1).
^ 35.10 Isa. 51.11.
