Jeremías 12:1-17
12 TAYTA DIOS, musyämi jutsaynaq kashqaykita y lapantapis munashqaykino kamakätsishqaykita. Kanan tapukushayki: ¿Imanirtaq fiyu runakuna rïcuyan? ¿Imanirtaq mana cäsushuqniki runakuna kushishqa kawapäkun?*
2 Shumaq plantashqa y sapitsashqa yörano kananpaqmi paykunata yanapashqanki.Pasaypa rïcuyänanpaq y atskaman mirapäkunanpaqmi yanapashqanki.Tsayno yanapaptikipis janan shonqulami alabashunki.Paykunaqa manami rasunpatsu cäsukärishunki.
3 Qamqa musyankimi imano kawashqätapis.Nakaykunawan probamashpaykimi musyanki qamlaman yärakamushqäta.¡Tsay runakunaqa pishtashqa kananpaq kaq uyshano katsun!¡Wanutsishqa kananpaq jukla kamakätsiy!
4 Tsay runakuna yarpapäkun imata rurashqantapis mana rikashqaykitami.Tsayno yarpaptinpis jutsata rurashqanpitami alpapis jachakunapis tsakishqa kaykan.Uywakunapis pishqukunapis wanuykan.¡Imayyaqraq tsayno kanqa!
5 Tsayno niptïmi Tayta Dios nimarqan:“Chakipa cörriqkunalawan yalinakushpaykipis pasaypa utikashpaykiqa ¿imanöraq cawallun muntashqa runawan yalinakunkiman?Jäkuq pampacho mantsa mantsala purirqa ¿imanöraq kanki Jordán mayu kuchun muntipa purirqa?*
6 Wawqikikunawan ayluykikunami chikipäkushunki.Rabyashqa karmi wasaykitapis rimarkaykan.Ali shimilanpa parlapäshuptikipis paykunamanqa ama yärakuytsu”.
Vecïnun nacionkuna Judá nacionta ushakätsinanpaq Tayta Dios nishqan
7 “Wayïtami kachaykushqä.Herenciäpitami witikushqä.*Kuyashqä runakunatami contrankunapa munayninman kachaykushqä.
8 Munticho qaparaykaq leonnömi conträ sharkapäkushqa.Tsayno kaptinmi rikaytapis mana munätsu.
9 “Kuyashqä runakunaqa kuyaylapaq atska color pishqukunanömi karkaykan.Paykunatami contran nación runakuna ankano tumaparkaykan.¡Tsay contran nacionkuna juntakarkur shamutsun!¡Jirka uywakunano herenciäta ushatsun!
10 “Mitsikuqkuna üvata däñukushqannömi reykunapis juknin juknin shamur üva chakräta* ushakätsinqa.Chunyaq jirkano rikakur kuyapaypaqmi kanqa.
11 Intëru nacionta asularmi pasaypa chunyaykaqta kacharinqa.Quëdaq runakunataqa manami pipis kuyapanqatsu.
12 “Tsayno ushakätsinanpaqmi chunyaq jirkakuna lädupita fiyu runakunata pushamushaq.Qati qatiykur lapanta ushakätsiptinmi pïmaypis nakapäkunqa.
13 Tsay witsanmi kuyashqä runakunapa trïgu chakrankunapis purunyaptin kashalana winanqa.Tsayjina arushqanpis manakaqlapaqmi kanqa.Fiyupa rabyar tsayno castigaptïmi pasaypa penqakärinqa”.
Judá nacionpa nawpankunacho kaq nacionkunapita Tayta Dios parlashqan
14 Israel runakunapa nawpan nación runakunatami TAYTA DIOS kayno nin: “Kuyashqä Israel runakunata qoykushqä nacionta asulashqaykipitami nacionnikipita qarqushayki. Qamkunapa makikipitami Judá runakunata jorqamushaq.
15 “Nirkurnami qamkunata yapay kuyapar nacionnikiman y chakraykikunaman kutitsimushayki.
16 Itsanqa yachatsikuynïta shumaq yachakäriy. Kuyashqä runakunata *Baalta adorapäkunanpaq nawpata yachatsishqaykino kananqa yachakäriy noqata adoramar kayno nipäkunaykipaq: ‘TAYTA DIOSMI rasunpa kaq Diosqa’. Tsaynöpami qamkunapis kuyashqä runakuna kankipaq.
17 Mana cäsukamaptikimi itsanqa lapaykita qarqur ushakätsishayki. Noqa TAYTA DIOSMI tsayno nï”.
Ichic wilacuycuna
^ 12.1-4 Job 21; Sal. 73.4-14; Hab. 1.
^ 12.5 Kay textucho niykan Anatot runakuna jurapashqalanwan Jeremías lakikurqa wara warantinkuna masraq lakikunanpaq kashqantami. Anatot runakuna Jeremíasta wanutsiyta munashqanpita masta musyanaykipaq liyinki Jer. 11.18-23.
^ 12.7 Kay textucho Diospa wayinpaq parlarqa Israel nacionpaqmi parlaykan. Tsaynölami Diospa herencianpaq parlar Israel runakunapaq parlaykan.
^ 12.10 Tayta Diospa üva chakranqa Israel runakunami kaykan (Isa. 5.1-7).
^ Baal Baalqa cananeo runakuna adorashqan diosmi karqan. Juk dios kashqanta yarpaptinpis manami rasunpatsu dios karqan. Cananeo runakuna yarpapäkurqan tsay diosta adoraptin uywankuna mirananpaq kashqanta y chakrankuna ali wayunanpaq kashqantami. Tsaynöpis yarpapäkurqan löcu tamyata y ali tamyatapis kachamushqantami.
