Jeremías 45:1-5
45 Josíaspa tsurin Joacim* chusku watana* Judá nacionpa mandaqnin rey kaykaptin Neríaspa tsurin Baructa profëta Jeremías dictashqan* witsanmi Jeremías kayno nirqan:
2 “Baruc, Israel runakunata kuyaq TAYTA DIOS kaynömi nin:
3 Lakikurmi qam kayno niykanki: ‘¡Kananchi kananlaqa! ¡TAYTA DIOSMI pasaypa lakikuyman churamashqa! Iktsuypa iktsur waqaptïpis shoqamänanpaq manami pipis kantsu’.
4 “Noqa TAYTA DIOSMI qamta kayno nï: Sharkatsishqäkunata kikïmi juchutsï. Plantashqäkunatapis lukirïmi. Tsaynölami lapanta kay nacioncho ushakätsishaq.
5 Lapan runakuna nakananpaq kaykaptinqa nakaypita salvakunaykipaq kashqanta ama yarpaytsu. Tsayta ama manakamaytsu. Lapan runakunata castigaptï fiyupami nakapäkunqa. Qamtami itsanqa mayman aywaptikipis ali rikashayki. Noqa TAYTA DIOSMI tsayno nï”.
Ichic wilacuycuna
^ 45.1a Dan. 1.1-2.
^ 45.1 Tsay karqan wata 605 a. C. Tsaynölami kaykan 46.2-chöpis.
^ 45.1b Jer. 36.1-4.