Jeremías 6:1-30
6 ¡Benjamín trïbu runakuna, Jerusalénpita qeshpir aywakäriy!¡Tecoacho *cornëtata tukapäkuy!¡Bet-haquerem puntacho qoshtatsipäkuy!*¡Nortipita fiyupa mantsariypaq castïgu chayamunanpaqnami kaykan!
2 “*Siónta ushakätsinäpaqnami kaykä.
3 Tsaymi uysha mitsikuqkuna uyshankunata qatiqno Jerusalénman reykuna chayamunqa soldädunkunata pushashqa.Uysha mitsikuqkuna uyshankunawan patsakuqnömi marka waqtankunapa tumariq patsakärinqa.Nirkurmi qewata uyshakuna ushaqno markata chipyaq ushakätsinqa.
4 “Tsay reykunaqa kaynömi wilanakunqa:‘¡Shumaq kamarikushun Jerusalén runakunata atacanantsipaq!¡Pulan junaq atacashun!¡Itsanqa patsapis tardiyaykannami!¡Lantuypis pasaykannami!
5 ¡Tsawraqa tsakaypana atacashun!¡Lapan palaciunkunatapis juchuratsishun!’ ”
6 Tsay reykunatami lapanta mandaq TAYTA DIOS kayno nin:“¡Jerusalén punkuta pakinaykipaq qerukunata mutupäkuy!¡Murällan waqtankunaman witsar yaykupäkunaykipaq alpata qotupäkuy!Tsay markacho kaykaq runakunataqa castigashaqmi.Tsaychöqa pasaypa fiyu runakunami karkaykan.
7 Pukyu yaku imaypis mana ushakashqannömi Jerusaléncho lutan ruraykuna imaypis kaykan.Pïmaypis mana alikunata rurarmi maqanakurkaykan y suwapänakurkaykan.Runa mayinta nakaykätsiqta y chikinakurkaykaqtami imaypis rikaykä.
8 Jerusalén runakuna, imano kawashqaykitapis shumaq tantiyakäriy.Mana tantiyakuptikiqa kachariykushaykimi.Tashqayki naciontapis chunyaqmanmi tikratsishaq”.
9 Lapanta mandaq TAYTA DIOS kaynömi nin:“Jerusaléncho quëdaq kaq runakunataqa contrankuna kuchu kuchumi ashipäkunqami.Üvata palar yörancho yaparir yaparir ashiqnömi prësu tsarinanpaq ashipäkunqa”.
10 Tsawraqa Tayta Diosta kayno nirqä:“¿Pitaraq wilapäshaq?¿Pitaraq anyapäshaq?¿Piraq mayamanqa?Tsay runakunaqa rinrinkuna tsapakashqanömi karkaykan.Wilakuynikita mayarpis asikärinmi.Imata nishqaykitapis manami mayayta munapäkuntsu.
11 Tsaymi qam rabyashqa kashqaykino noqapis rabyaykä.Castiganaykipaq kaqtaqa manami upälakushaqtsu”.
Tayta Diosmi kayno nimarqan:“Rabyashqa castiganäpaq kaqta cällicho kaykaq wamrakunata y punta punta puriykaq mözukunatapis wilay.Warmikunatapis, runakunatapis, awkinkunatapis y chakwankunatapis mana kuyapaypami prësu apakärinqapaq.
12 Runakunapa chakrankunapis, wayinkunapis y warminkunapis jukpanami kanqapaq.Kay nacioncho taq runakunataqa noqami castigashaq.Noqa TAYTA DIOSMI tsayno nï.
Profëtapis cürapis jutsata rurashqan
13 “Paykunaqa lapanpis yarparkaykan suwakuypa imatapis tarinanpaqmi.Profëtakunapis y cürakunapis lulakuqlami karkaykan.*
14 Paykunaqa kuyashqä runakuna däñakushqano kaykaptinpis manami shumaq jampipäkuntsu.Castïgu kananpaq kaykaptinpis imapis mana pasananpaq kashqantami nirkaykan.*
15 Melanaypaq jutsata rurarpis manami penqakärintsu.Manami penqakuytapis yachapäkuntsu.Tsayno kashqanpita castigaptïmi wakin runakunawan iwal wanupäkunqapaq.Noqa TAYTA DIOSMI tsayno nï”.
Akrashqan runakuna Tayta Diosta mana cäsukärishqan
16 TAYTA DIOSMI kayno nin:“Tinkuq nänikunacho ichiykur tapukäriy mayqan näni mas unay kashqanta y ali kawayman chayatsiq kashqanta.Tsay ali kaq nänipana aywapäkuy.*Tsaynöpami jamayta taripäkunkipaq”.*Tayta Dios tsayno niptinpis runakunaqa kayno nipäkun:“¡Manami tsay nänipa aywapäkushaqtsu!”
17 Tsaymi rikchakuqkunata churarkur runakunata Tayta Dios kayno nin:“¡Rikachakuqkuna *cornëtata tukamushqanta mayaq mayaqla karkaykay!”*Tsayno niptinpis runakunaqa kayno nipäkun:“Manami mayaytapis munapäkütsu”.
Jerusalén runakunata castigananpaq kashqanta wilakushqan
18 “¡Maytsay nación runakuna, mayapäkamay!¡Kuyashqä runakunata imano castiganäpaq kashqantapis musyapäkuy!
19 “¡Intëru mundu, shumaq mayapäkamay!Kay runakunata fiyupami castigashaq.Tsayno castigashaq wilapashqäkunata mana wiyakärishqanpita y leynïkunata mana cäsukärishqanpitami.
20 Paykunaqa manakaqlapaqmi juk lädu nacionpita ali asyaq* jachakunata apamun.Sabá nacionpita inciensutapis manakaqlapaqmi *altarnïman apamun.Noqaqa manami chaskïnatsu sacrificiuta altarcho rupatsipäkushqanta.Sacrificiukunata apamushqanqa manami gustüpaqnatsu kaykan.
21 Tsaymi maypa aywaptinpis tsay runakunapaq trampano kashaq.Taytanpis, tsurinpis, vecïnunpis y reqinakushqanpis wanupäkunqami.Noqa TAYTA DIOSMI tsayno nï”.
22 TAYTA DIOSMI kayno nin:“Norti kaq lädu munayniyuq nacionpita shamunanpaqmi soldädukuna kamarikurkaykan.Karucho tashqanpitami shapäkamunqa.
23 Paykunaqa flëchata y espädata kamarikushqami karkaykan.Pasaypa fiyu karmi pitapis mana kuyapantsu.Pelyananpaq qaparashqanpis lamar yaku qaparaqnöraqmi mayakan.Cawallun muntashqalanami guërrata rurananpaq karkaykan.¡*Sión runakuna, atacashunaykipaqmi shapäkamunqa!”*
24 Tsaymi Jerusalén runakuna kayno nipäkunqa:“Tsay soldädukuna fiyu kashqanta musyarmi pasaypa mantsakärï.Pasaypa lakikurmi wachay nanaywan kaykaq warmino karkaykä.
25 ¡Jirkapa ama aywashuntsu!¡Nänikunapapis ama purishuntsu!Chikimaqnintsikunaqa tsaycho espädan aptashqami karkaykan.Maytsaychöpis pasaypa mantsakuypaqmi karkaykan”.*
26 Tsaymi noqa kayno nï:“¡Marka mayikuna, qachqa röpakunata jatikurkur uchpacho qochpapäkuy!¡Juklayla kaykaq tsuriki wanuptin waqaqno fiyupa waqapäkuy!¡Ushakätsimänantsipaq shamuqkuna elaqpitami chayamunqa!”
27 Tayta Diosmi kayno nimarqan:“Qamtami churaykä kuyashqä runakuna imano kawashqantapis rikanaykipaq”.
28 Tsawraqa kayno nirqä:“Paykunaqa lapanpis mana wiyakuq y tumpakuq runakunami karkaykan.Broncino y fiërruno shonqun chukru kaptinmi pasaypa lutan rurayman churakashqa karkaykan.
29 Herrërukuna präwawan mayjina pükarpis qellaycho talushqa metalkunata tsulutsiyta mana kamäpakushqannömi kaykä.Tsaymi Jerusalén runakunata mayjina wilaparpis jutsankunata kacharinanpaq tantiyatsiyta mana kamäpakütsu.
30 Tsay runakunataqa TAYTA DIOS manami yanapanqanatsu.Tsaymi pïmaypis nipäkunqa jitarishqa qellay kashqanta”.
Ichic wilacuycuna
^ 6.1 Tsay witsan cornëtata tukapäkuq y puntacho qoshtatsipäkuq soldädukuna atacaq shamuykashqanta musyatsinanpaqmi.
^ cornëta Cornëtaqa carnipa waqranpita rurashqami karqan. Cornëtata cüra tukashqanta rikanaykipaq rikanki Lev. 25.9 versïculucho kaykaq dibüjuta. Qellaypita rurashqa cornëtapis karqanmi (Núm. 10.1-10).
^ Sión Siónqa Jerusaléncho jirkanmi kaykan. Siónchömi Davidpa Markan karqan y templuta sharkatsipäkurqan (Sal. 2.6; 9.11; 132.13). Tsaymi Jerusalén markapa jukaq jutin Sión kaykan (2Crón. 5.2). Bibliachömi Siónta parlapan warmita parlapaqno (Isa. 49.15, 22; Lam. 2.1).
^ 6.14 Jer. 8.11; Eze. 13.10.
^ 6.16 Mat. 11.29.
^ 6.16 Tsay ali kaq nänipana aywapäkuy nishqanqa Tayta Dios unay nishqanno kawapäkuy ninanmi.
^ cornëta Cornëtaqa carnipa waqranpita rurashqami karqan. Cornëtata cüra tukashqanta rikanaykipaq rikanki Lev. 25.9 versïculucho kaykaq dibüjuta. Qellaypita rurashqa cornëtapis karqanmi (Núm. 10.1-10).
^ 6.17 Rikachakuqkuna cornëtata tukamushqanta mayaq mayaqla karkaykay ninanqa profëtakuna wilakushqanta cäsukäriy ninanmi.
^ 6.20 Wakin runakunaqa mushkuq nipäkun.
^ altar Altarkunaqa karqan rumiwan perqashqa y qerupita ruraykur jananpa y rurinpa bronciwan enchapashqami. Tsay altarkunachömi uywakunata rupatsir runakuna jutsankunapita perdonashqa kananpaq cürakuna Tayta Diosta manakäriq. Tsaynölami templu rurincho qoripita rurashqa taksha altarpis karqan. Tsaychömi cürakuna inciensuwan qoshtatsiq. Rumipita perqashqa altar imano kashqanta musyanaykipaq rikanki 2Sam. 24.18-cho kaq dibüjuta. Tayta Diosta mana cäsukuq runakunapis altarkunata ruraykurmi ïdulukunata adorapäkuq (Éxo. 30.1-10; Deut. 27.5-6; 2Rey. 16.10-16; 2Crón. 4.1).
^ Sión Siónqa Jerusaléncho jirkanmi kaykan. Siónchömi Davidpa Markan karqan y templuta sharkatsipäkurqan (Sal. 2.6; 9.11; 132.13). Tsaymi Jerusalén markapa jukaq jutin Sión kaykan (2Crón. 5.2). Bibliachömi Siónta parlapan warmita parlapaqno (Isa. 49.15, 22; Lam. 2.1).
^ 6.22-23 Jer. 50.41-42.
^ 6.25 Jer. 20.3, 10; 46.5; 49.29.
