Jonás 2:1-10
2 (2) Tsawraqa pescädupa pachancho kaykarmi TAYTA DIOSTA Jonás kayno manakurqan:
2 (3) “TAYTA DIOS, pasaypa lakikur manakamuptïmi mayamashqanki.*Wanunäpaqna kaykar qayakuptïmi salvamashqanki.
3 (4) Lamarman jitarpamaptikimi ruriyaq talpukashqä.Lamar fiyupa pulchaqyar shamuqpis janäpami pasashqa.*
4 (5) Nawpaykipita qarqamashqaykitami yarpashqä.*Tsaynöpis yarpashqä *sagrädu templuykiman imaypis manana yaykunäpaq kashqantami.
5 (6) Yaku pasaypa tsaparämaptinmi lamar rurincho kashqä.Yaku rurincho qewa winamuqpis umämanmi laqakashqa.
6 (7) Pasaypa ruriyaqmi chayashqä.*Mananami yarqamunäpaq kashqanta yarpashqänatsu.Wanunäpaqna kaykashqäpita qammi salvamashqanki, TAYTA DIOS.*
7 (8) Wanunaykarnami qamta manakamushqä, TAYTA DIOS.Manakamushqätami *santu templuykipita mayamashqanki.
8 (9) Ïdulukunata adoraqkunaqa Diospa kuyakuyninta wasqipanmi.
9 (10) Noqami itsanqa lapan shonqüwan agradëcikur sacrificiukunata qampaq rupatsishaq.Qamta promitishqätaqa lapantami cumplishaq.*Qamlami munayniyuq kaykanki pitapis salvanaykipaq”.
10 (11) Tsaymi TAYTA DIOS mandaptin pescäduqa lamar kuchunman Jonásta gumitarirqan.
Ichic wilacuycuna
^ 2.2 2Sam. 22.7; Sal. 18.6; 120.1.
^ 2.3 Sal. 42.7; 88.3-7.
^ 2.4 Sal. 31.22.
^ sagrädu Liyinki santupita tantiyatsikuyta.
^ santu; sagrädu Tayta Dios santu kashqanta nirqa jutsaynaq kashqanta y pipis ni imapis payman mana tinkushqantami niykan (Isa. 5.16; 6.3; Apoc. 4.8; 15.4).
^ 2.9 Sal. 22.25.
