Números 29:1-40
29 “ ‘Qanchis killa qalaykunan junaqcho TAYTA DIOSTA adorapäkunaykipaq juntakanki. Tsay junaq ima aruytapis kachaykur juntakänaykipaq *cornëtakunata tukatsipäkunki.
2 Tsay fiestacho TAYTA DIOSPAQ rupatsina sacrificiuta rupatsipäkunki juk sänu turituta, juk sänu carnita y juk watayuq qanchis sänu carnishkunata. Rupatsishqaykipa ali asyayninta* mayarmi TAYTA DIOS kushikunqapaq.
3 Turituta rupatsir aceitiwan tsapushqa soqta kïlu alinnin harinata jananman winapäkunki. Tsaynöla carnita rupatsir aceitiwan tsapurkur chusku kïlu alinnin harinata winapäkunki.
4 Cada carnishta rupatsir ishkay kïlu alinnin harinata winapäkunki.
5 Tsaynöpis purificatsina sacrificiupaq juk chïvuta *altarcho rupatsipäkunki. Tsayqa kanqa jutsa rurashqaykipita perdonashqa kapäkunaykipaqmi.
6 “ ‘Tsaki mikuy ofrendata y vïnuta winarkur tsay sacrificiukunata rupatsirpis Tayta Dios nishqanno waran waran rupatsina sacrificiuta y cada killa rupatsina sacrificiutapis mana qonqaypa rupatsipäkunki. Rupatsishqaykipa ali asyayninta mayarmi TAYTA DIOS kushikunqapaq.
Purificashqa kananpaq kaq junaqcho sacrificiukunata rupatsinanpaq tantiyatsishqan
Levítico 23.26-32
7 “ ‘Qanchis killa chunka kaq junaqcho ima aruytapis ama arupäkunkitsu, sinöqa TAYTA DIOSTA adorapäkunaykipaq juntakaykur ayunapäkunki.*
8 Tsay junaq TAYTA DIOSPAQ rupatsina sacrificiuta rupatsipäkunki juk sänu turituta, juk sänu carnita y juk watayuq qanchis sänu carnishkunata. Rupatsishqaykipa ali asyayninta mayarmi TAYTA DIOS kushikunqapaq.
9 Turituta rupatsir soqta kïlu alinnin harinata aceitiwan tsapurkur jananman winapäkunki. Tsaynöla carnita rupatsir chusku kïlu alinnin harinata winapäkunki.
10 Cada carnishta rupatsir ishkay kïlu alinnin harinata winapäkunki.
11 Tsaynöpis purificatsina sacrificiupaq juk chïvuta *altarcho rupatsipäkunki. Tsayqa kanqa jutsa rurashqaykipita perdonashqa kapäkunaykipaqmi. Tsaykunata rupatsirqa jukaq purificatsina sacrificiuta y waran waran rupatsina sacrificiutapis mana qonqaypa rupatsipäkunki. Tsaynöla tsaki mikuy ofrendata y vïnutapis winapäkunki.
Ramäda fiestacho sacrificiukunata rupatsinanpaq tantiyatsishqan
Levítico 23.33-44
12 “ ‘Qanchis killacho chunka pitsqa junaqcho ima aruytapis ama arupäkunkitsu, sinöqa TAYTA DIOSTA adorapäkunaykipaq juntakanki. TAYTA DIOSTA adorashpayki qanchis junaq fiestata rurapäkunki.
13 Fiesta qalaykunan junaqcho rupatsina sacrificiuta rupatsipäkunki chunka kimsa sänu turituta, ishkay sänu carnita y juk watayuq chunka chusku sänu carnishta. Rupatsishqaykipa ali asyayninta mayarmi TAYTA DIOS kushikunqapaq.
14 Cada turituta rupatsir aceitiwan tsapurkur soqta kïlu alinnin harinata jananman winapäkunki. Tsaynöla cada carnita rupatsirpis aceitiwan tsapushqa chusku kïlu alinnin harinata winapäkunki.
15 Cada carnishta rupatsir ishkay kïlu harinata winapäkunki.
16 Tsaynöpis purificatsina sacrificiupaq juk chïvuta *altarcho rupatsipäkunki. Tsayqa kanqa jutsa rurashqaykipita perdonashqa kapäkunaykipaqmi. Tsaykunata rupatsirqa waran waran rupatsishqaykinöla rupatsina sacrificiuta y tsaki mikuy ofrendatapis rupatsipäkunki. Tsay jananman vïnutapis mana qonqaypa winapäkunki.
17 “ ‘Ishkay kaq junaqcho rupatsina sacrificiuta rupatsipäkunki chunka ishkay sänu turituta, ishkay sänu carnita y juk watayuq chunka chusku sänu carnishta.
18 Cada turituta, carnita y carnishta rupatsir ley nishqannöla tsaki mikuy ofrendakunata y vïnutapis winapäkunki.
19 Tsaynöpis purificatsina sacrificiupaq juk chïvuta altarcho rupatsipäkunki. Tsayqa kanqa jutsa rurashqaykipita perdonashqa kapäkunaykipaqmi. Tsaykunata rupatsirqa waran waran rupatsishqaykinöla rupatsina sacrificiuta y tsaki mikuytapis rupatsipäkunki. Tsay jananman vïnutapis mana qonqaypa winapäkunki.
20 “ ‘Kimsa kaq junaqcho rupatsina sacrificiuta rupatsipäkunki chunka juk sänu turituta, ishkay sänu carnita y juk watayuq chunka chusku sänu carnishta.
21 Cada turituta, carnita y carnishta rupatsir ley nishqannöla tsaki mikuy ofrendakunata y vïnutapis winapäkunki.
22 Tsaynöpis purificatsina sacrificiupaq juk chïvuta altarcho rupatsipäkunki. Tsayqa kanqa jutsa rurashqaykipita perdonashqa kapäkunaykipaqmi. Tsaykunata rupatsirqa waran waran rupatsishqaykinöla rupatsina sacrificiuta y tsaki mikuytapis rupatsipäkunki. Tsay jananman vïnutapis mana qonqaypa winapäkunki.
23 “ ‘Chusku kaq junaqcho rupatsina sacrificiuta rupatsipäkunki chunka sänu turituta, ishkay sänu carnita y juk watayuq chunka chusku sänu carnishta.
24 Cada turituta, carnita y carnishta rupatsir ley nishqannöla tsaki mikuy ofrendakunata y vïnutapis winapäkunki.
25 Tsaynöpis purificatsina sacrificiupaq juk chïvuta altarcho rupatsipäkunki. Tsayqa kanqa jutsa rurashqaykipita perdonashqa kapäkunaykipaqmi. Tsaykunata rupatsirqa waran waran rupatsishqaykinöla rupatsina sacrificiuta y tsaki mikuytapis rupatsipäkunki. Tsay jananman vïnutapis mana qonqaypa winapäkunki.
26 “ ‘Pitsqa kaq junaqcho rupatsina sacrificiuta rupatsipäkunki isqun sänu turituta, ishkay sänu carnita y juk watayuq chunka chusku sänu carnishta.
27 Cada turituta, carnita y carnishta rupatsir ley nishqannöla tsaki mikuy ofrendakunata y vïnutapis winapäkunki.
28 Tsaynöpis purificatsina sacrificiupaq juk chïvuta altarcho rupatsipäkunki. Tsayqa kanqa jutsa rurashqaykipita perdonashqa kapäkunaykipaqmi. Tsaykunata rupatsirqa waran waran rupatsishqaykinöla rupatsina sacrificiuta y tsaki mikuytapis rupatsipäkunki. Tsay jananman vïnutapis mana qonqaypa winapäkunki.
29 “ ‘Soqta kaq junaqcho rupatsina sacrificiuta rupatsipäkunki pusaq sänu turituta, ishkay sänu carnita y juk watayuq chunka chusku sänu carnishta.
30 Cada turituta, carnita y carnishta rupatsirqa ley nishqannöla tsaki mikuy ofrendakunata y vïnutapis winapäkunki.
31 Tsaynöpis purificatsina sacrificiupaq juk chïvuta altarcho rupatsipäkunki. Tsayqa kanqa jutsa rurashqaykipita perdonashqa kapäkunaykipaqmi. Tsaykunata rupatsirqa waran waran rupatsishqaykinöla rupatsina sacrificiuta y tsaki mikuytapis rupatsipäkunki. Tsay jananman vïnutapis mana qonqaypa winapäkunki.
32 “ ‘Qanchis kaq junaqcho rupatsina sacrificiuta rupatsipäkunki qanchis sänu turituta, ishkay sänu carnita y juk watayuq chunka chusku sänu carnishta.
33 Cada turituta, carnita y carnishta rupatsir ley nishqannöla tsaki mikuy ofrendakunata y vïnutapis winapäkunki.
34 Tsaynöpis purificatsina sacrificiupaq juk chïvuta altarcho rupatsipäkunki. Tsayqa kanqa jutsa rurashqaykipita perdonashqa kapäkunaykipaqmi. Tsaykunata rupatsirqa waran waran rupatsishqaykinöla rupatsina sacrificiuta y tsaki mikuytapis rupatsipäkunki. Tsay jananman vïnutapis mana qonqaypa winapäkunki.
35 “ ‘Pusaq kaq junaqcho* *sagrädu kaptin qamkuna juntakanki. Tsay junaq ima aruytapis ama arupäkunkitsu.
36 Rupatsina sacrificiuta rupatsipäkunki juk sänu turituta, juk sänu carnita y juk watayuq qanchis sänu carnishta. Rupatsishqaykipa ali asyayninta mayarmi TAYTA DIOS kushikunqapaq.
37 Turituta, carnita y carnishkunata rupatsir ley nishqannöla tsaki mikuy ofrendakunata y vïnutapis winapäkunki.
38 Tsaynöpis purificatsina sacrificiupaq juk chïvuta altarcho rupatsipäkunki. Tsayqa kanqa jutsa rurashqaykipita perdonashqa kapäkunaykipaqmi. Tsaykunata rupatsirqa waran waran rupatsishqaykinöla rupatsina sacrificiuta y tsaki mikuytapis rupatsipäkunki. Tsay jananman vïnutapis mana qonqaypa winapäkunki.
39 “ ‘Cada wata fiestakunacho tsaykunata TAYTA DIOSPAQ rupatsipäkunki. Tsay rupatsishqaykikuna apartimi kanqa promitishqaykita cumplir sacrificiuta rupatsipäkushqaykipita, voluntälaykipita churar sacrificiuta rupatsishqaykipita, rupatsina sacrificiuta rupatsipäkushqaykipita, tsaki mikuy ofrendata rupatsipäkushqaykipita, vïnuta altarman winashqaykipita y jawka kawakuy sacrificiuta rupatsipäkushqaykipitapis’ ”.
40 (30.1) TAYTA DIOS nishqantaqa lapantami Israel mayinkunata Moisés wilarqan.
Ichic wilacuycuna
^ cornëta Cornëtaqa carnipa waqranpita rurashqami karqan. Cornëtata cüra tukashqanta rikanaykipaq rikanki Lev. 25.9 versïculucho kaykaq dibüjuta. Qellaypita rurashqa cornëtapis karqanmi (Núm. 10.1-10).
^ 29.2 Wakin runakunaqa mushkuyninta nipäkun.
^ altar Altarkunaqa karqan rumiwan perqashqa y qerupita ruraykur jananpa y rurinpa bronciwan enchapashqami. Tsay altarkunachömi uywakunata rupatsir runakuna jutsankunapita perdonashqa kananpaq cürakuna Tayta Diosta manakäriq. Tsaynölami templu rurincho qoripita rurashqa taksha altarpis karqan. Tsaychömi cürakuna inciensuwan qoshtatsiq. Rumipita perqashqa altar imano kashqanta musyanaykipaq rikanki 2Sam. 24.18-cho kaq dibüjuta. Tayta Diosta mana cäsukuq runakunapis altarkunata ruraykurmi ïdulukunata adorapäkuq (Éxo. 30.1-10; Deut. 27.5-6; 2Rey. 16.10-16; 2Crón. 4.1).
^ 29.7-11 Lev. 16.29-34.
^ altar Altarkunaqa karqan rumiwan perqashqa y qerupita ruraykur jananpa y rurinpa bronciwan enchapashqami. Tsay altarkunachömi uywakunata rupatsir runakuna jutsankunapita perdonashqa kananpaq cürakuna Tayta Diosta manakäriq. Tsaynölami templu rurincho qoripita rurashqa taksha altarpis karqan. Tsaychömi cürakuna inciensuwan qoshtatsiq. Rumipita perqashqa altar imano kashqanta musyanaykipaq rikanki 2Sam. 24.18-cho kaq dibüjuta. Tayta Diosta mana cäsukuq runakunapis altarkunata ruraykurmi ïdulukunata adorapäkuq (Éxo. 30.1-10; Deut. 27.5-6; 2Rey. 16.10-16; 2Crón. 4.1).
^ altar Altarkunaqa karqan rumiwan perqashqa y qerupita ruraykur jananpa y rurinpa bronciwan enchapashqami. Tsay altarkunachömi uywakunata rupatsir runakuna jutsankunapita perdonashqa kananpaq cürakuna Tayta Diosta manakäriq. Tsaynölami templu rurincho qoripita rurashqa taksha altarpis karqan. Tsaychömi cürakuna inciensuwan qoshtatsiq. Rumipita perqashqa altar imano kashqanta musyanaykipaq rikanki 2Sam. 24.18-cho kaq dibüjuta. Tayta Diosta mana cäsukuq runakunapis altarkunata ruraykurmi ïdulukunata adorapäkuq (Éxo. 30.1-10; Deut. 27.5-6; 2Rey. 16.10-16; 2Crón. 4.1).
^ sagrädu Liyinki santupita tantiyatsikuyta.
