Job 35:1-16
35 Mastapis Eliú kaynömi nirqan:
2 “Job, ¿imanirtaq jutsaynaq kashqaykita nishqanki?Tsayno nirqa ¿alitatsuraq niykanki?
3 Tsaynöpis Tayta Diosta kaynömi nishqanki:‘¿Imatataq jorqü jutsata mana rurashqa karpis?’
4 “Qamtapis y amïguykikunatapis kanan tantiyatsishayki.
5 Jana patsata rikärir tantiyakuy pukutaykuna altucho kaykashqanta.Pukutaytaqa imata rurarpis manami kuyutsinkitsu.
6 Tsaynölami jutsa ruraptikipis Diospaqqa mana imananpistsu.Yaparir yaparir jutsata rurarpis payta manami jaqayätsinkitsu.
7 Mayjina ali runa kashpaykipis paytaqa manami yanapankitsu.Payqa manami runapita imatapis chaskintsu.
8 Mana alita rurarqa kikilaykimi condenakuykanki.Alita rurarpis manami Diostatsu yanapanki, sinöqa runa mayilaykitami.*
9 “Rïcu runakuna nakatsiptinmi waktsakuna waqapäkun.Munayniyuq runakunapa makinpita jorqunanpaqmi pitapis ruwakärin.
10 Tsayno ruwakuykarpis paykunaqa kamakuq Tayta Diosta manami yarpapäkuntsu.Payta manami manakärintsu tsakaykunapa cantananpaq kushikuyta shonqunman churaptinpis,
11 uywakunapita mas yachaq kananpaq yachayta qoykaptinpisy pishqukunapita mas yarpayniyuq kananpaq tantiyatsiptinpis.
12 “Yanapananpaq manakäriptinpis orgullösu kaptinmi Tayta Dios mana yanapantsu.
13 Tsaynöpis manami cäsupantsu manakaqkunata manakuptinqa.
14 Yanapashunaykipaq kashqanman mana yärakuptikiqa qamtapis manami cäsupäshunkitsu.Payqa musyanmi nakaykashqaykita.Tsayno kaykaptinqa pacienciakuy.
15 “Qamqa niykanki runakuna jutsata ruraptinpis Tayta Dios mana rabyakushqanta y mana castigashqantami.Tsaynöpis niykanki lutanta ruraptinpis mana cäsupashqantami.*
16 Tsayno nirqa manakaqkunatami niykanki.Mana tantiyakuypami witsaypa uraypa rimaykanki”.
