Oseas 6:1-11
6 TAYTA DIOSMAN yapay yärakushun.Castigamashpantsipis aliyätsimäshunmi.*Yawar yawar astamashpantsipis jampimäshunmi.*
2 Wanushqano kaykaptintsimi elaqpita sharkatsimäshun.Nawpancho kawanantsipaqmi yanapamäshun.
3 ¡TAYTA DIOSMAN imanöpapis kutikärishun!Patsa waraptin inti jeqamunanpaq kashqanta musyashqantsinömi kuyapämänantsipaq kashqantapis musyantsi.Usya pasaptin tamya qalaykunanpaq kashqanta musyashqantsinömi yanapamänantsipaq kashqantapis musyantsi.
Tayta Dios contestashqan
4 TAYTA DIOSMI kayno nin: “Efraín runakuna, ¡imataraq qamkunata ruraykümanpis!Judá runakuna, ¡imataraq qamkunata ruraykümanpis!Patsa waraptin pukutay rätula elqashqannömi qamkuna kuyamashqaykipis kaykan.Inti ratamuptin shulya elqaqnömi kuyakuynikipis kaykan.
5 Tsaymi profëtäkunawan wilakatsishqäno qamkunata ushakätsishqä.Wilakatsishqänömi qamkunata wanutsishqä.Wilakuynï atskino karmi tantiyatsishushqanki jutsayuq kashqaykita.
6 Ofrendakunata apamushqaykipitapis mas munä kuyapäkuq kanaykitami.*Sacrificiuta rupatsishqaykipitapis mas munä noqata *reqimänaykitami.*
7 “Adán mana cäsukamashqannömi qamkunapis *pactu rurashqantsita mana cäsukurkaykankitsu.Cäsukamänaykipaq promitimashqaykitapis manami cumplirkaykankitsu.
8 Galaad markachöqa fiyu runakunalami karkaykan.Tsaychöqa wanutsinakuylami kaykan.
9 Cürakunapis Siquemman aywaq nänichömi asaltarkaykan.Paykunaqa maytsaychömi runakunata wanurkaykätsin.Tsaynölami imayka jutsatapis rurarkaykan.
10 “Israel nacionchöqa mantsariypaq jutsata rurarkaykaqtami rikashqä.Efraín runakunaqa runanta jarukuq warminömi juk dioskunata adorarkaykan.Israel runakuna tsayno rurar pasaypa melanaypaqmi karkaykan.
11 Judá runakuna, qamkunatapis castïgu shuyaraykäshunkimi.
“Kuyashqä runakunata kuyapayta munarpis
Ichic wilacuycuna
^ 6.1 Aliyätsinanpaq nirqa qeshyapita, nakaypita, lakikuypita y ima desgraciapitapis jorqurkur jawka kawayman churananpaq kashqantami niykan.
^ 6.6a Mat. 9.13; 12.7.
^ reqiy, Diosta reqiy Tayta Diosta reqirqa payman yärakuntsi y pay munashqanno kawar kushikuntsi. Tsaynöpis tantiyantsi kuyakuq kashqanta, munayniyuq kashqanta, jutsaynaq santu kashqanta, juzgakuq kashqanta, alilata ruraq kashqanta y promitishqanta imaypis cumpliq kashqanta.
^ pactu Pactuqa promitinakushqanta cumplinanpaq nishqanmi kaykan. Unay Testamentuchöqa Israel runakunawanmi pactuta Tayta Dios rurarqan. Tsaymi Tayta Dios promitirqan Israel runakunapa Diosnin kar paykunata imaypis yanapananpaq. Israel runakunanami Tayta Diosta promitirqan mandamientunkunata y leyninkunata cumplipäkunanpaq (Éxo. 6.7; 19.5-6; Lev. 26.3-12). Pactuta rurarmi uywata pishtar shuntashqan yawarta Israel runakunaman Moisés tsaqtsuparqan (Éxo. 24.8). Tsaynölami Jesucristo noqantsi rayku wanur yawarninta jichashpan mushuq pactuta rurarqan payta chaskikuqkunata jutsankunapita perdonar salvananpaq (Luc. 22.20; Heb. 10.16-17).
