Salmos 110:1-7
(1a) David qelqashqan salmu.
110 (1b) Mandamaqnïtami TAYTA DIOS kayno nirqan:“Alawqa kaq nawpäman jamakamuy lapan chikishuqnikikunata munaynikiman churanäyaq”.*
2 *Siónpita patsa mandaq kanaykipaqmi TAYTA DIOS yanapaykäshunki.Mandaq kaykarqa chikishuqnikikunata munaynikicho tsararaykulay.
3 Guërraman aywanaykipaq wilakatsiptiki soldäduykikuna juklami juntakanqa.Jirkakunacho waran waran shulya yurishqannömi qampis waranlan waranlan mözuyanki.
4 TAYTA DIOSMI jurashpan kayno nir promitishurqayki:“Qammi imayyaqpis Melquisedecno cüra kanki”.Tsay promitishushqaykitaqa imaypis cumplinqami.*
5 Tayta Diosqa alawqa kaq nawpaykichömi yanapashunaykipaq imaypis kaykan.Paymi rabyashqan junaqqa contrayki sharkuq reykunatapis wanutsinqapaq.
6 Contrayki sharkuq nacionkunataqa maytsaychöpis wanutsirmi ushanqapaq.Reykunatapis y autoridäkunatapis lapantami ushakätsinqa.
7 Qampami itsanqa näni kuchuncho yakuta upurkuptiki kalpayki yurinqa.
Ichic wilacuycuna
^ 110.1 Mat. 22.44; Mar. 12.36; Luc. 20.42-43; Hech. 2.34-35; Efe. 1.20-22; Col. 3.1; Heb. 1.13; 8.1; 10.12-13.
^ Sión Siónqa Jerusaléncho jirkanmi kaykan. Siónchömi Davidpa Markan karqan y templuta sharkatsipäkurqan (Sal. 2.6; 9.11; 132.13). Tsaymi Jerusalén markapa jukaq jutin Sión kaykan (2Crón. 5.2). Bibliachömi Siónta parlapan warmita parlapaqno (Isa. 49.15, 22; Lam. 2.1).
