Salmos 29:1-11
(1a) David qelqashqan salmu.
29 (1b) *Angilkuna, TAYTA DIOSTA alabapäkuy.Munayniyuq kashqanpita alabapäkuy.
2 Jutinta joqarir TAYTA DIOSTA alabapäkuy.Munayniyuq *santu TAYTA DIOSTA adorapäkuy.
3 TAYTA DIOSPA vozninqa lamar jananpitami mayakämun.Jana patsapitapis TAYTA DIOSMI räyu bunruruqno parlamun.Lamarpitapis mas munayniyuqmi kaykan.
4 TAYTA DIOSPA vozninqa mantsariypaqmi mayakämun.TAYTA DIOSPA vozninqa espantaypaqmi kaykan.
5 TAYTA DIOSPA vozninqa cedru yöratapis pakinmi.Líbanucho kaq cedru yörakunatapis chipyaqmi tunitsin.
6 Tayta Diospa vozninqa Líbano jirkatapis becërrutanömi brincatsin.Sirión jirkatapis* waqraq törutanömi saltatsin.
7 TAYTA DIOS parlamuptinqa ninami tamyamun.
8 Chunyaq jirkakunatapis siksikyätsinmi.Cades jirkatapis kuyutsinmi.
9 Encina yörakunapa rämankunatapis wimpikätsinmi.Muntikunatapis chipyaqmi tsaqun.Templunchömi lapanpis adorarkaykan.*
10 TAYTA DIOSMI tamyatapis tamyatsimun.TAYTA DIOSMI imayyaqpis rey kaykan.
11 TAYTA DIOSMI payman yärakuq runakunata yanapan.Bendicionninta churamuptinmi jawkala kawapäkun.
Ichic wilacuycuna
^ ángel Kay patsata manaraq kamarmi angilkunata Tayta Dios kamarqan payta sirvinanpaq. Angilkunaqa manami imaypis wanuntsu. Tayta Diospa nawpancho karmi imaypis alabarkaykan (Isa. 6.1-3; Apoc. 5.11-12).
^ santu; sagrädu Tayta Dios santu kashqanta nirqa jutsaynaq kashqanta y pipis ni imapis payman mana tinkushqantami niykan (Isa. 5.16; 6.3; Apoc. 4.8; 15.4).
^ 29.6 Tsay jirkapa jukaq jutinmi kaykan Hermón (Deut. 4.48).
^ 29.3-9 2Sam. 22.8-17; Sal. 18.7-15; Hab. 3.3-13.
