Salmos 39:1-13
(1) Cantaqkunapa mandaqninpaqmi. Jedutúnpaqmi. David qelqashqan salmu.
39 (2) Noqa kayno nirmi yarpachakurqä:“Manami lutankunata rurashaqtsu.Manami mana alikunata rimashaqtsu.Fiyu runakunapa nawpanchöpis upälakushaqmi”.
2 (3) Yarpachakushqänölami alitapis mana alitapis rimakurqätsu.Tsayno kaykarpis masraqmi lakikurqä.
3 (4) Upälakuyta manami awantakurqätsu.Yarpachakuptïmi shonqüpis pasaypa rabyanarqan.
Tsaymi Tayta Diosta manakur kayno nirqä:
4 (5) “TAYTA DIOS, kay patsacho yupashqa watala kawaq kashqäta yarpaykatsilämay.Ushakaqla kashqäta tantiyatsilämay.
5 (6) Walka junaqla kawanäpaqmi kawayta qomashqanki.Atska wata kawaptïpis manami aykäpis kantsu.Runaqa jämayno elqaqlami kaykan. Selah
6 (7) “Lantuy pasaqnölami runakuna kawan.Rïcu kananpaq manakaqlapaqmi imatapis shuntan.Manami musyantsu shuntashqankuna pipaq kananpaq kashqantapis.*
7 (8) Tsayno kaykaptinqa ¿imapaqtaq riquëzakunaman yäraküman, TAYTA DIOS?Tsaypa trukanqa qamlamanmi yärakamü.
8 (9) Jutsa ruraypita salvaykalämay.Mana tantiyakuq runakuna amana ari asipämätsuntsu.
9 (10) “Jutsa rurashqäpita kikikimi castigamarqayki.Tsaymi imatapis mana rimakurqätsu.
10 (11) Amana castigaykalämaynatsu.Castigamaptiki aläpami nakaykä.
11 (12) Pitapis castigarqa jutsa rurayta kacharinanpaqmi castigaykanki.Puyu imaykatapis ushashqannömi runa mas kuyashqankunata ushakaykätsinki.Jämaynölami runaqa ushakaqla kaykan. Selah
12 (13) “Manakamushqäta mayaykalämay, TAYTA DIOS.Waqapaptï kuyapaykalämay.Noqaqa kay patsacho qorpalami kaykä.Unay aylükunano manapis aykälatami wanukushaq.*
13 (14) Amana rabyashqa rikapämaynatsu.Manaraq wanur kushishqa kawanäpaq yanapaykalämay”.*
Ichic wilacuycuna
^ 39.12 Lev. 25.23; Sal. 119.19; 1Ped. 2.11.
