Salmos 45:1-17
(1) Cantaqkunapa mandaqninpaqmi. Liriu waytakuna nishqan tönuwan kay salmuta cantapäkunki. Corépita miraqkuna qelqashqan salmumi. Kuyashqanta cantapashqan.
45 (2) Kuyaylapaq versumi shonqücho kaykan.Tsay versuwanmi reyta kushishqa cantapäshaq.Alinnin versukunatami payta versupäshaq.
2 (3) Lapan runakunapitapis mas kuyaylapaqmi kaykanki.Maypis mayakuylapaqmi parlanki.Tsaymi Tayta Dios bendicionninta qamman imaypis churamun.
3 (4) Ali chölu kanaykipaq tseqlaykiman espädaykita jatikuy.Qamqa espädaykiwanraqmi waräwa ichiranki.
4 (5) Munayniyuq karmi cawalluta muntakurkur vinciq vinciqlana guërraman aywanki.Promitipäkamashqaykita cumplirmi tsapämänaykipaq yarqunki.Humildi runakunapa favornin pelyar fiyu runakunata imaypis vincinki.Alawqa kaq makikiwanmi espantaypaq kaqkunata imaypis ruranki.
5 (6) Qampa flëchaykikuna fïlu puntayuqmi kaykan.Flëchaptikimi contraykikunapa shonqunmanpis yaykuriykun.Lapan contrayki nacionkunatami vincinki.
6 (7) Tayta Dios, trönuykichömi imayyaqpis mandaq kaykanki.Qamqa lapantapis alimi mandanki.
7 (8) Pipis alita ruraptinqa kushikunkimi.Mana alita ruraptinqa rabyankimi.Tsaymi Tayta Dios qamta churashushqanki pïmaypitapis mas kushishqa kanaykipaq.*
8 (9) Mïrra mïrra, áloe áloe y canëla canëlami röpaykipis ali asyaykan*.Kuyaylapaq *marfilwan adornashqami palaciuykikunapis kaykan.Tsaychömi arpakunata tukapäshuptiki kushikunki.
9 (10) Palaciuykichöqa princesakunapis atskami karkaykan.Alawqa nawpaykichömi casaranaykipaq kaq reina jamaraykan.Paypa röpanqa Ofirpita apamushqan qori püruwan adornashqami kaykan.
10 (11) Shumaq mayamay, hïja.Kanan yätsishqäta shumaq tantiyakuy.Marka mayikikunapaq y ayluykikunapaq ama yarparaynatsu.
11 (12) Kuyaylapaq kaptikimi rey kuyashunki.Runayki kaykaptinnaqa paylatana cäsukunki.
12 (13) Tiro markapitapis runakuna qamman shamunqa imaykatapis apamurmi.Rïcu runakunapis yanapanaykipaqmi ruwakushunkipaq.
13 (14) Majatsakänanpaq* kaq jipashmi kuyaylapaq kaykan.Röpanpis qoriwan adornashqa karmi chipchipyaykan.
14 (15) Kuyaylapaq bordashqa röpan jatishqatami rey kaqman pusharkaykan.Jipashkunapis qepanpami aywarkaykan.Yanasankunapis fïlaylanpami aywarkaykan.
15 (16) Pasaypa kushikurmi reypa palaciunman yaykurkaykan.
16 (17) Tayta rey, tsurikikunapis unay ayluykikunanömi rey kanqapaq.Paykunata mandäshishunaykipaq maytsay markakunamanpis churankipaq.
17 (18) Kay cantapashqäta cantarmi runakuna imaypis yarpäshunkipaq.Intëru nacionchömi imaypis alabapäkushunkipaq.
Ichic wilacuycuna
^ 45.6-7 Heb.1.8-9.
^ 45.8 Wakin runakunaqa mushkuykan nipäkun.
^ marfil Marfilqa elefantipa waqshunmi kaykan (1 Rey. 10.18; 22.39; Sal. 45.8; Cant. 5.14; 7.4; Amós 3.15; 6.4; Apoc. 18.12).
^ 45.13 Wakin runakunaqa casarananpaq nipäkun.
