Salmos 83:1-18

GALAYCACHINAPAJ

^{(1) Cantanantsipaqmi. Asaf qelqashqan salmu.} 83 (2) Tayta Dios, noqakunapa favornï sharkuykulay.Upälaqa ama rikaraykalämaytsu. ² (3) Chikishuqniki runakunami achäquita ashiparkaykäman.Qampapis contraykimi sharkurkaykan. ³ (4) Kuyashqayki runakuna karkaykaptïpis atacamänanpaqmi wilanakurkaykan.Cuidashqayki runakuna karkaykaptïpis conträmi sharkurkaykan. ⁴ (5) Tsay runakunami kayno nirkaykan:“Paykunata nacionninpa chipyaq elqätsishun.Israel runakunapaq pipis mana yarparaykänanpaq chipyaq ushakätsishun”. ⁵ (6) Tsay yarpaylami lapanpis wilanakärishqa contrayki sharkapäkunanpaq. ⁶ (7) Paykuna karkaykan edomita runakuna, ismaelita runakuna, moabita runakuna y agareno runakunami. ⁷ (8) Tsaynöpis karkaykan Gebal runakuna, amonita runakuna, amalecita runakuna, filisteo runakuna y Tiro runakunami. ⁸ (9) Lotpita miraqkunatami* Asiria runakunapis yanaparkaykan. Selah ⁹ (10) Paykunata wanuykatsilay madianita runakunata unay wanutsishqaykino.*Paykunata ushakaykatsilay Sísaratapis Jabíntapis Cisón raqra nawpancho ushakätsishqaykino.* ¹⁰ (11) Endorchömi paykunata ushakätsirqayki.Ayankunapis tsaychömi ismur ushakarqan. ¹¹ (12) Orebta y Zeebta wanutsishqaykino paykuna respitashqan runakunatapis wanuykatsilay.*Zebata y Zalmunata wanutsishqaykino mandaqnin reykunatapis wanuykatsilay.* ¹² (13) Paykunami noqakunata qomashqayki nacionta qechumayta munarkaykan. ¹³ (14) Tayta Diosnilä, huracán wayra imaykatapis ushashqanno conträ sharkuq runakunata ushakaykatsilay.Wayra apashqan tsaki punshano kaykulätsun. ¹⁴ (15) Muntita nina rupar ushaqno y jirkata nina ushaqno ¹⁵ (16) qampis löcu tamyaykiwan qatikachaykulay y löcu wayraykiwan mantsakaykatsilay. ¹⁶ (17) Paykunata pasaypa penqayman churaykulay.Munayniyuq kashqaykita musyapäkunanpaq tsayno ruraykulay, TAYTA DIOS. ¹⁷ (18) Imaypis penqaytukushqala y mantsakashqala kapäkutsun.Tsayno puriykashqalancho ushakätsun. ¹⁸ (19) Lapanpis musyaykulätsun qam japalayki poderniyuq TAYTA DIOS kashqaykita.Tantiyaykulätsun kay patsacho lapanpaq munayniyuq kashqaykita.