Jacobga Jehovalatami adurargan, chay wichan juc dioscunata mana aduranapaj leyta mana chasquishga carpis (Éx 20:3-5). Chaymi Betel marcaman aywananpaj Jehová niptinmi, Jacobga ayluncunata y ashmaynincunatapis nirgan lapan santuncunata jitarinanpaj. Chaynami Jacobga santuncunata y aretincunatapis pampaycurgan; caycunataga utilizapacojchi ima suerticunapäpis (Gé 35:1-4). Jacob rurashganga Jehovata alapa cushichirgan.

Canan wichanpis Jehovalata adurayta munarga, ¿imatataj rurashwan? Santucunata o idulucunata mana adurashwanchu, brujeriacunata practicashwanchu ni wanushgacunawanpis parlapäcushwanchu. Chaypäga imayca churarächicushganchicunatami jitarinanchi y imata ricanganchitapis cuidananchi. Cayta tapucuriy: “Imatapis musyayta munar, ¿brujucunata o carta ricajcunata ashiyta munäco, o televisiuncho yargamuptinga wiyapayta munäco?”. Jehová chiquingantaga noganchicunapis chiquishwanmi (Sl 97:10).

CAY VIDEUTA RICÄCHIY: “SUPAYTA AMA IMAYPIS CASUPAYCHU”. NIRCUR TAPUPÄRIY:

• Palesa jutiyoj warmiga, ¿imatataj manchacuycargan?

• ¿Imanirtaj ancianucunata nishwan yanapamänanchipaj supaycunapita cuidacunanchipaj?

• Jehová yanapamänanchipäga, ¿imacunatataj jucla ushacächishwan?

• ¿Imata rurananpaj Palesa decidirgan?

• ¿Imataraj ruranquiman marcayquicho demoniucunapita cuidacärinayquipaj?