Pilapis juchata rurashganta mana arrepenticojta gargupäcuptin, congregaciunta y juchayojtapis yanapanmi (1Co 5:6, 11). Jehová corrigiptin respetacurga, cuyacuyninchimi ricacan. Pero capaz pilapis ninman ‘manami chaynochu’, porque pilapis gargushga captinga familianpis y juzgaj wawguicunapis laquicärinmi.

Tantiarcushun, Jehovata cuyanganchi y jutinta mana ganrataycashganchita ricacan payta casucurmi (1Pe 1:14-16). Gargushga cajtapis cuyarcaycäshun. Corrigishga cashpanchi alapa laquicurpis, casucuptinchiga ‘Tayta Dios munashgannömi cawashunpaj’ (Heb 12:5, 6, 11). Gargushga cajwan juntacarga, Jehová corriginantami michaycashwan. Yarpashun Jehovaga corrigimäshun ‘juchata rurashganchi tupumi’ (Jer 30:11). Jehovata mana cachashunchu sinoga reuniuncunaman aywar y sirvircaycäshun, gargushga caj Jehovaman cutinanta shuyarashpanchi (Is 1:16-18; 55:7).

CAY VIDEUTA RICÄCHIY: LAPAN SHONGUNCHIWAN Y MANA JAGUIYPA JEHOVATA SIRVISHUN. NIRCUR TAPUPÄRIY:

• ¿Imanotaj taytacuna sienticärin wamran Jehovata sirviycashgancho cachaycuptin?

• ¿Imanotaj hermanucuna familianta yanapanman?

• ¿Bibliapa ima wilacuynintaj tantiachicun familiapitapis Jehovata más cuyanapaj?

• ¿Imacunata rurartaj familiapitapis Jehovata más cuyarcaycashwan?