¿Ima problemacunapätaj waran waran pasanqui? ¿Familiayoj tayta cashpayqui alapacu calpachacunayqui manteninayquipaj? ¿Japalayquicu wamrayquita ashmanqui y guellayniqui quillapaj aypanchu? ¿Escuelayquicho pilapis abusashunquicu? ¿Gueshyaycanquicu o edayashga cashpayqui nacaycanquicu? Lapanchimi problemayoj canchi, pero waquincunaga waran waranmi achca problemacunapa pasapäcun. Ichiclachona ni ima nacay mana cananpaj musyarga cushicunchimi (2Co 4:16-18).

Chaycamaga, Jehová cuyapämashganchita shacyächimanchi, y mana cachaypa sirvishganchita valuranmi y shamoj tiempucho bendicimäshunmi (Jer 29:11, 12). Jesuspis nogacunapaj yarpachacunmi. Mandamashganchicuna rurashgaga, pay nimanchi: “Noqaqa qamkunawanmi imaypis kaykäshaq” (Mt 28:20). Shamoj tiempucho Diospa bendiciunnincunaman yarpachacurga, ima problemacunapa pasanganchita aguantanapämi yanapamäshun (Ro 8:19-21).

CAY VIDEUTA RICÄCHIY: IMAYCACUNAPA PASARPIS, RURAMUNANPAJ CAJCUNAMAN YARPACHACUSHUN. NIRCUR TAPUPÄRIY:

• ¿Imanotaj runacuna Jehovapita carupäcushga y imamantaj chayashga?

• ¿Ima bendiciuncunatataj Jehovata mana cachajcuna chasquipäcunga?

• ¿Imaraycurtaj shamoj tiempucho bendiciuncunataj chasquishun?

• ¿Maygan bendiciuncunatataj gamga pasaypa shuyaraycanqui?