¿Imanirtaj lapanta taytayquicunata wilanquiman? (Pr 23:26). Taytayquicunata Jehová churashga chapashunayquipaj y pushashunayquipaj (Sl 127:3, 4). Ima laquichishushgayquita mana wilaptiqui, ¿imanoparaj taytayquicuna yanapäshunquiman? Jina mana parlapaptiquipis, ¿imanoparaj taytayquicunapa caway vidancho ima pasashganpitapis yachacunquiman? Chauras, ¿lapantarächu taytayquicunata wilanquiman? Manachi ¿au? Chayno captinpis mana ali ruraycunataga ama pacanquimanchu (Pr 3:32).

¿Imanoparaj taytayquicunawan parlapäcunquiman? Yarpachacuy imay höra más ali canman taytayquicunawan parlanayquipaj. Parlanayquipaj sasa captenga, juc cartata ruray imano caycashgayquita wilanayquipaj. Öraga mana gustashushgayquipita parlayta munaptinpis, shumaj wiyay. Paycunaga ali goyanayquitami munarcaycan. Taytayquicunawan parlanayquipaj calpachacuptiquega yanapäshunqui ali y cushi cushila cawanayquipaj (Pr 4:10-12).

CAY VIDEUTA RICÄRIY: MOZO-JIPASHCUNA: ¿IMANOTAJ TAYTAYQUICUNAWAN PARLACUNQUIMAN? NIRCUR CAY TAPUCUYCUNAPITA PARLACAMUY:

• ¿Imatataj Esterwan Partik quiquincunapita wilacärergan?

• ¿Imatataj yachacunqui Jesús rurashganpita?

• ¿Imanotaj taytayquicuna cuyashushgayquita ricächishushgayqui?

• ¿Maygan Bibliapa tantiachicuycunata yanapäshunquiman taytayquicunawan parlanayquipaj?