Jehovapa sirvejnincunapäga alapa cushicuypämi Conmemoración junaj chayamuptin. Chaymi semanacuna pishiycaptin cay shumaj reunión ruracänanpaj o pasashgana captinpis, tiempunchita shumaj provechanchi Jehovata tucuynopa alabanapaj y wamranta cachamushganpitapis agradecicunapaj (Ef 1:3, 7). Tantiarinapaj, calpachacunchi pï may runacunata invitanapaj, y waquin hermanucunaga tiempunta shumaj camacächin marzo o abril quillacunacho 30 o 50 horascunano predicananpaj. ¿Gampis Conmemoración wichancho maslata predicayta munanquimanchuraj? ¿Chaura imataraj ruranquiman?

Imatapis ruranapaj tiempo pishiycaptin shumaj camacächiptinchega, alimi yargamun (Pr 21:5). Jesús wanushganta Yarpänapäga ichiclanami pishin, chaymi cananlapita ali canman shumaj yarpachacunayquipaj chay wichancho imano yanapacunayquipaj y imacunata ruranayquipaj cumplinayquipäpis. Nircur Jehovata mañacuy calpachacushgayquita bendicishunayquipaj (1Jn 5:14, 15).

¿Yarpaycanquinacu imano maslata predicaciuncho yanapacunayquipaj Conmemoración wichancho?