Bibliaga nimanchi mayor hermanucunata taytanchicunatano ricanapaj y jovincunata shulcanchicunatano (leiriy 1 Timoteo 5:1, 2). Masraj olgucunami warmicunata cuyacuywan, respetuwanpis ricanman.

Juc waugui warmicunata enamorapar purinmanchu ni munapayparaj ricanmanchu (Job 31:1). Japalan caycaj waugui manami imaypis japalan caycaj panita enamorapanmanchu paywan casaracuyta mana munarga.

Hermanacunaga ancianucunata respetuwan tapupaptin o wilapaptin paycunaga shumaj wiyacunman. Jina runaynaj panicunata masraj cuyacuywan y respetuwan wiyanman (Rut 2:8, 9).

CAY VIDEUTA RICÄRIY: CONGREGACIUNCHO RICÄCHICUSHUN CUYANACUYMI IMAYPIS MANA USHACANGACHU: WACCHACUNATA, VIUDASHGACUNATAPIS. NIRCUR CAY TAPUCUYCUNAPITA PARLACAMUY:

• ¿Imanotaj congregaciunga pani Myint-ta shumaj cuyapashga?

• Congregaciuncho pani Myint-ta cuyapäcushganga, ¿imanotaj vecinucunapis alita tantiar galaycärishga?

• Cristiano masincuna cuyashganta, ¿imanotaj pani Myintpa warmi wamrancunata yanapashga?

¿Imanotaj congregaciuncho hermanacunapaj yarpachacuycashgayquita ricächicunquiman?