Jehovata más sirvinapaj calpachacuptinchega, tiempunchita ali provechaycanchi cay mundupa ushacaynin manaraj chayamuptin (1Co 9:26; Ef 5:15, 16). Chaymi alichi canman familianchiwan Diosta aduranapaj horacho parlapacärinapaj imano mastaj Jehovata sirvinapaj. Y cay quillacunapaj Imano yachacunapaj cajcho tarinchi imacunata rurartaj Jehovata más sirvinapaj. Nircur Jehovata mañacuycur acrashun mayganlapis ruranapaj (Snt 1:5).

Alimi canman Diosta sirvishganchi mushoj watacho familiayquipita maygayquilapis precursor cananpaj. Y 70 horacunano yachachicuyta mana puedinayquipaj yarparga, waquin precursorcunawan parlapacäriy yanapäshunayquipaj (Pr 15:22). Jina familiayquiwan Diosta aduranapaj horacho juc precursorta tapupärinquiman y nircur tiempuyquita shumaj camacächiy precursor canayquipaj. Chaypitapis, unaycho precursor cashpayqui carga, puediptiquega alichi canman yapay precursor canayquipaj.

¿Y familiayquicho pilapis juc quilla o maspis precursor auxiliarno yanapacunmanchuraj? Waquincuna calpaynaj ricacuptenga, cada junaj ichic ichicla yachachicun. Y aruyniquicho o estudiuyquiraycur, lunispita vierniscama yachachicuyta mana puedirga, pichga semanacunayoj quillacho o feriaducunayoj quillacunacho precursor auxiliar canquiman.  Chauraga juc almanaquicho guelgarcuy ima quillacunacho precursor auxiliar canayquipaj, nircur rurayniquicunata shumaj camacächiy (Pr 21:5).

CAY VIDEUTA RICÄRIY: AMA MANCHACÄRIYCHU: PRECURSORCUNA. NIRCUR CAY TAPUCUYCUNAPITA PARLACAMUY:

• ¿Imanotaj Aamand paninchita Jehová yanapargan? ¿Imatataj cayga yachachimanchi?