Imayca pruebacunapa pasar laquichimashwan, masraj jucla mana ilacaptin. Davidga musyargan Saúl gaticachaycashganga imaylapis ushacänanpaj y musyarganmi Jehová aunishgannola reyman ticrananpaj (1Sa 16:13). David yäracoj cashpanmi pacienciawan shuyarargan sasapa pasaycashganta Jehová alchananpaj.

Ima pruebacunapa pasaycarpis ali juiciuwan, yachaywan y shumaj yarpaycur-raj imatapis ruraptinchi, problemanchicuna alchacanga (1Sa 21:12-14; Pr 1:4). Chayno captinpis, waquin pruebacuna jucla ilacanchu Biblia nishganno alchanapaj calpachacurpis. Chauras pacienciawan shuyarashwan Jehová alchananpaj. Ichiclachona wagay y lapan nacachimashganchitapis Jehová ushacächenga (Ap 21:4). Öraga Jehová yanapämaptinchimi ima nacachimashganchicunapis ushacanman. Chayno mana captinpis lapan pruebacuna imaylapis ushacangami, chayta musyarir consueluta tarinchi.

CAY VIDEUTA RICÄRIY: CHIQUINACUY CAPTINPIS DIOSPA SIRVEJNINCUNA JUCNAYNOLA CAWAPÄCUN. NIRCUR CAY TAPUCUYCUNAPITA PARLACAMUY:

• Estados Unidos nación sur caj ladupita hermanucuna, ¿ima pruebacunapätaj pasapäcurgan?

• ¿Imanotaj cuyacoj y pacienciacoj cashganta ricächicurgan?

• ¿Imatataj paycunapäga más ali caycargan rurananpaj? (Flp 1:10).