Yachacojcuna Jehovawan amigo cananpaj, viciucunata jaguirinman (1Pe 1:14-16). Viciucunata jaguiriptenga, familianwanpis cushishga cawacunman, saludninpis aliyarcunman y guellaypis pishinmannachu.

Yachacojcunata shumaj tantiachiy Jehová munashganno cawananpaj, imanirtaj cäsucunman y cäsucuptin imanopataj cawaynincho yanapanman. Jina yanapay Jehová munashganno yarpänanpaj, chaynolami Jehová munashganno cawanga (Ef 4:22-24). “Viciuta jaguinayquipaj sasa captenga, Jehovami yanapashunqui jaguinayquipaj” nir yachacojcunata parlapay (Flp 4:13). Yachacojcuna viciuman ishquiyta munaycaptin jinan hora Jehovata ruwacunanpaj yachachiy. Yanapay cuentata gocunanpaj maycho y imay tentaciunman ishquinman, jina yanapay mana ali ruraycuna ali ruraycunawan trucananpaj. Jehovapa yanapacuyninwan yachacojcuna vidancho cambiuta ruraptin alapa cushicunquimi.

CAY VIDEUTA RICÄRIY: YACHACOJCUNATA YANAPARCUSHUN JEHOVÁ CHIQUISHGANTA JAGUIRINANPAJ. NIRCUR CAY TAPUCUYCUNAPITA PARLACAMUY:

• ¿Imanotaj ricächipäcurgan Rita ancianucunawan, Coralman yäracushganta?

• ¿Imataj rurargan Rita Coralta yanapänanpaj?

• ¿Imataj rurargan Coral Jehová yanapänanpaj?