ALI CAWANAPAJ
Cay videucunawan Bibliapita yachachicur galaycuy
Chuscu videucuna caycan Bibliapita yachachicuyta galaycunapaj. ¿Imacunapitataj jucnin jucnin videucunacho parlacaramun y imanotaj chaycunawan yachachicushwan?
-
¿Imanirtaj Bibliata estudiashwan? (lapan caj). Cay videuga runacunata tantiachicamun maygan religiunpita captinpis imanirshi Bibliapita yachacunman. Jina wilacun cawaypaj tapucuycuna Bibliacho respuestancunata tarinanpaj. Tantiarinapaj, cay pacha pipa maquincho caycashganta Biblia shumaj tantiachicun. Ushanancho nin imano mañacunapaj pilapis Bibliapita yachachimänanchipaj.
-
¿Imanirtaj Bibliata estudiashwan? (waquilanla). Cay videuga juc cajpita más tacshala caycan, cayga shumaj yanapacun runacunapa tiempun alapa mana captin ichiclatapis yachacunanpaj.
-
¿Imanötaj Bibliapita yachachikuyä? Cay videuga runacunata musyachicun imano Bibliapita gratisla yachacunanpaj y ima tapucärishgancunatapis Bibliacho respuestanta tarinanpaj.
-
Cushicuy Bibliapita yachacunayquipaj. Cay videuta ricächinchi Bibliapita yachacuycajcunata. Cushishgala imaypis cawanapaj librupa 2 caj paginancho chay video caycaptinpis, chayniraj folletuwan yachachicuycarpis chay videuta ricächiyta puedinchi. Videucho parlacamun chay libro imano cashganta y estudianticunatapis tantiachicun imano yachacunanpaj.
Videucuna juc temapita yachachicunapaj caycaptinpis, quiquinchipita canga maygantaj waquincunata apachicunapaj o ricächinapaj. Calpachacushwanmi cay videucuna imacunapita wilacushganta musyanapaj, chaynopa predicaciuncho shumaj utilizanapaj.