Aylunchicho cuyanacuy captinga juc shongunolami caycäshun, jina cushi cushila yanapacärishun. ¿Imanotaj casaracushgacuna y taytacuna jucnin jucnin cuyanacärinman?

Cuyacoj runaga warmin yarpashganta, ima munashganta o imano caycashgantapis tantiaycur warminta cuyan (Ef 5:28, 29). Paymi familianwan shumaj cawapäcunanpaj lapan necesitashgancunata ricanga, Jehovawan amistänincuna sinchiyananpäpis aylunwan Diosta adurananpaj ruranan (1Ti 5:8). Ali warmiga runanta casucunga y shongunpita respetanga (Ef 5:22, 33; 1Pe 3:1-6). Ishcancunami imaypis perdunanacärinman (Ef 4:32). Ali taytacunaga wamrancunata jucnin jucninta Jehovata cuyananpaj yanapan (Dt 6:6, 7; Ef 6:4). ¿Ima pruebacunataj escuelancho caycan? ¿Imataj wamrayquicuna ruran estudiajmasincuna inquitaptin? Aylunchicho cuyanacuy captinga cushi cushila carcaycanga.

CAY VIDEUTA RICÄCHIY: AYLUNCHICHOGA CUYANACUYMI IMAYPIS MANA USHACANMANCHU. NIRCUR TAPUPÄRIY:

• ¿Imanotaj ali runaga cuyacuylawan warminta rican?

• ¿Imanotaj ali warmiga runanta respetan?

• ¿Imanotaj taytacuna calpachacärin wamrancunata Diospita parlapänanpaj?