ALI YACHACHICOJ CASHUN | ¿IMATATAJ RURANQUIMAN PREDICAYTA MÁS GUSTASHUNAYQUIPAJ?
Ali tincuchicuycunawan yachachishun
Yapay runacunata yachachinapaj cutir y Bibliapita yachachicuptinchi, yachaycächishganchipita shumaj tantiachishwan. Ali tincuchicuycunawan yachachishgaga, shongunmanpis chayangami jina imaypis gongangachu.
Bibliapita pitapis manaraj yachachicur, shumajrä yachacunquiman mayganta yachachinayquipäpis y lapantarächu yachachinayqui. Nicurna reguishga tincuchicuycunalawan tantiachinquiman (Mt 5:14-16; Mr 2:21; Lu 14:7-11). Jina rurashgancunapita y tantiashganno yachachinquiman (Lu 5:2-11; Jn 4:7-15). Yachaycächishgayquita tantiashpan shongunpis achicyarcuptinga cushicunquipämi.
CAY VIDEUTA RICÄCHIY: CUSHICUYPÄMI BAUTIZACUNANPAJ YANAPAPTINCHI: YACHACHICUYNINCHITA ALIYARCACHISHUN: ALI TINCUCHICUYCUNAWAN YACHACHISHUN. NIRCUR TAPUPÄRIY:
-
¿Imanir-raj runacunata Bibliapa textuncunata tantiachishwan?
-
¿Ima tincuchicuywantaj Rita tantiachishga Romanos 5:12 textuta?
-
Ali tincuchicuycunawan yachachishgaga runacunapa shongunman chayashunmi.
Shumaj tincuchicuycunawan runacunata yachachishgaga, ¿imanotaj yanapan?
-
¿Imanirtaj videucunawan y yachachicunapaj publicaciuncunawan yachachicushwan?
