ALI YACHACHICOJ CASHUN | ¿IMATATAJ RURANQUIMAN PREDICAYTA MÁS GUSTASHUNAYQUIPAJ?
Cushi cushila yachachiy
Cushi cushila yachachiptinchiga runacuna atentulami wiyamäshun. Jina cushishgala yachachirga valuraycanchi yachachicuycashganchita. Maypita carpis, manchalishu carpis, cushi cushila Diospita yachachishwan (Ro 12:11). ¿Imanotaj cushi cushila predicashwan?
Puntataga, yarpachacuy yachachicuycashgayquiga alapa alimi, gamga cushicunquiman ‘ali wilacuyta’ apaycashgayquita (Ro 10:15). Nircur yarpachacuy, imanotaj runacuna ali wilacuycunata wiyar cawaynincuna aliyan, jina wiyacunanmi salvacunanpaj (Ro 10:13, 14). Chaypitana, shonguyquipita parlapaycashgayquita, ricacanman carayquicho y maquiquita shumaj cuyurcachiptiquipis.
CAY VIDEUTA RICÄCHIY: CUSHICUYPÄMI BAUTIZACUNANPAJ YANAPAPTINCHI: YACHACHICUYNINCHITA ALIYARCACHISHUN: CUSHI CUSHILA YACHACHIY. NIRCUR TAPUPÄRIY:
-
¿Imanirtaj Ritaga Coralta yachachinanpaj mala gana caycargan?
-
¿Imataj Ritata yanapargan cushi cushila yapay yachachinanpaj?
-
Cushi cushila caycarga waquincunapis cushicungami.
¿Imanirtaj yarparaycashwan wiyajcuna ima alilatapis rurashganman?
-
¿Imanotaj cushi cushila yachachicushganchiga yanapan Bibliata yachaycächishganchita y waquincunatapis?
