Juchasapa car cada cadala munashganchicunata dominacushun. Munashgalanchita rurarga Jehovapita raquicäcushwan. Waquincunaga Diosta cuyananpaj trucan wasilanpa, ropalanpa y pachalanpa yarpachacärin. Waquincunana olguwan o warmiwan cacuyta munar Diospa leyninpa contrancho melanaypaj rurapäcun (Ro 1:26, 27). Juccuna ali ricananpaj waquincuna paycunano lutanta rurapäcun (Éx 23:2).

¿Imanotaj munashganchita dominacushwan? Chaypäga calpachacunanchi Dios munashgalanta ruranapaj (Mt 4:4). Jina Jehovata ruwacushwan munashganchita dominacunapaj. ¿Imanir? Payga musyanmi imacunata más ali caycan noganchipaj y ali munashgalanchitapis payga gomäshunmi (Sl 145:16).

CAY VIDEUTA RICÄRIY: CIGARRUTA MUCAPTIQUEGA RASLA RUCUYANQUI Y WANUNQUIPIS. NIRCUR CAY TAPUCUYCUNAPITA PARLACAMUY:

• ¿Imanirtaj waquin runacuna cigarruta mucan?

• Cigarruta mucaptinchi, ¿imanotaj saludninchita dañacanman?

• ¿Imanirtaj mana ali caycan cigarruta y cigarro electronicotapis mucanapaj? (2Co 7:1).

• Pilapis “cigarruta mucashun” nishuptiqui, ¿imanirtaj “mana” ninquiman y imanotaj cay viciuta jaguinquiman?