Cay ushanan tiempuchoga masmi miranga, terrorismo, guerracuna y may chaycho peliapis (Ap 6:4). Caycuna pasaptenga, ¿imatataj rurashun preparado caycänapaj?

• Yäracuyniquita sinchiyächiy. Jehovapa marcanman yäracunayquipaj y politicaman mana jaticunayquipaj Jehová nishganman yäracunayqui, Bibliapa tantiachicuynincunaman y Bibliacho caycaj unay yäracoj runa pasashgancunamanpis (Pr 12:5; jr-S 125, 126 párrs. 23, 24). Cananmi jucninchi jucninchi amistäninchita sinchiyächishun (1Pe 4:7, 8).

• Ima necesitashgayquitapis alistay. Ima necesitashgayquitapis alistay, mana malogracaj micuycunata churay, wasiyquilacho wichgarashga quedaptiqui ima ruranayquipäpis yarpachacuy. Desgraciaraycur wasiyquipita yargunayquipaj shumaj camacächiy. Mochilayquicho ima necesitashgayquita winay, mascarillata, guantista, guellayniquita y maspis. Ancianucunapa numerunta y maycho tiyashgantapis amanula churay y gampa numeruyquitapis wilariy (Is 32:2; g17.5-S 3-7).

May chaycho peliala captenga Jehovata aduranayquipaj camacächishgayqui ama jaguiychu (Flp 1:10). Wasiyquipita yangalapaj ama llojshimuychu (Mt 10:16). Waquincunata charashgayquicunalawan yanapay (Ro 12:13).

CAY VIDEUTA RICÄRIY: IMANOTAJ ALISTACUSHWAN DESGRACIACUNA MANARAJ CHAYAMUPTIN. NIRCUR CAY TAPUCUYCUNAPITA PARLACAMUY:

• Desgraciacunapa pasaptinchi, ¿imanotaj Jehová yanapämashwan?

• ¿Imatataj rurashwan preparado caycänapaj?

• ¿Imanotaj waquincunata yanapashwan?