¿IMANIRTAJ CHAYTA RURASHWAN? Celularpa predicayga alapami yanapacun Diospa ali wilacuyninta más runacunaman chayachinapaj (Hch 20:24). * Yanapamanchi wasincho mana tarishganchicunata predicanapämi.

IMANOTAJ RURASHWAN

• Preparacuy. Runacunata gustashgan yachachicuycunata ashiy. Nircur imata ninayquipaj cajta juc papelman escribiy. Contestador automático nishganpa parlapäshuptiqui imata ninayquipaj cajta alistacuy. Alimi canman escribishgayqui papelta, JW Library^® aplicaciunta o jw.org^® paginata quichashgalata chararanayqui.

• Tranquilo sienticuy. Reguinacushgayquiwan parlashgayquinola cushishga parlapay. Parlapärirga ama upalalaga mayaraychu. Ishcaj o maspis yanapanacur gayanayquimi ali canman. Gayacushgayqui runa tapucushuptiquega chay tapucuyta yapay parlay yanapashojniquicuna wiyananpaj.

• Yapay parlanayquipaj imalatapis ruray. Gayacushgayqui shumaj wiyacuptinga, juc tapucuyta ruray yapay gayacushgayqui hora contestanayquipaj. Correupa, internetpa o quiquinta juc publicaciunta apachinayquipaj niriy. Nircur apachinquimanmi juc publicaciunta o videuta correunninpa. Ali captinga paginanchicho imalatapis ricananpaj niriy.