Dedicado y bautizado caj testigucunaga shumaj privilegiutami charanchi: Lapanta Puedej Diosninchiwan amigo cayta puedinchi. Cuyashga Wamranpa yanapacuyninwan pushamashcanchi Payta reguinapaj y mañacuyninchitapis wiyamanchi (Sl 34:15; Jn 6:44).

¿Imatataj rurashwan Diospa amistäninta mana ogranapaj? Israelitacuna rurashganta ama rurashunchu. Jehovawan juc contratuta rurashganpita ichic tiempula pasariptin, paycunaga goripita rurashgan becerruta adurapäcurgan (Éx 32:7, 8; 1Co 10:7, 11, 14). Tapucurishun: “¿Imatataj rurä juc tentaciunpa pasar? ¿Ima ruraynëcunacho musyachicö Jehovapa amistäninta valuraycangäta?”. Jehovata lapan shongunchiwan cuyashganchimi yanapämäshun pay chiquishganta mana ruranapaj (Sl 97:10).

CAY VIDEUTA RICÄCHIY: JEHOVAWAN AMISTÄNINCHITA CUIDASHUN (COL 3:5). NIRCUR TAPUPÄRIY:

• ¿Imataj codicioso cayga?

• ¿Imanirtaj chiquishwan codicioso cayta y idulucunata adurayta?

• ¿Imachotaj igual caycan adulteriuwan idolatría?

• ¿Imanirtaj congregaciuncho carguyojcuna atiendinman warmin necesitashgancunata?