Bibliaga ali wilacuycunatami wilamanchi runacunapaj. Chaymi ninchi quiquin Diospa Palabran canganta. Caycho yachacushun imano cushishga cawanapaj y Diostapis cushichinapaj. Cay tapucuycunatami contestamun:

Bibliaga 66 librucunayojmi. Ishcay partiman raquishga caycan: Hebreo-arameo rimaycunacho y Griego rimaycho. Waquincunaga nin Unay Testamento y Mushoj Testamento. Bibliapa libruncunaga capitulucunayojmi y versiculuncunapis can. Cay folletucho juc texto yuriptinga, puntata caycan librupa jutin, nircur jatulan caj numeruga capitulun y acapala caj numerucunaga versiculuncunami caycan. Tantiarinapaj, Génesis 1:1 captinga, parlaycan Génesis capítulo 1 y versículo 1.