3 CAJ YACHACUY
¿Imanötaj Edén huertachö kaway kargan?
Adantawan Ëvatam achka ali cösaskunata Dios gorgan (Génesis 1:28)
Punta kaj warmitami Jehoväga kamargan, jutinga Ëvam kargan, y paytam Adanta goykurgan warmin kanampaj (Génesis 2:21, 22).
Adantawan Ëvataga juchaynajtam Dios rurargan. Yarpayninwan cuerpompis chaynölam kargan.
Edén huertachömi kawayargan, chay mayuyoj, montekunayoj y animalkunayoj sitioga aläpa shumajmi kargan. Awmi, juk shumaj huertam kargan.
Paykunawanmi Jehoväga parlaj, y imaykatam yachachej. Chay shumaj huertachö mana wanuypa kawayta munarga, Diostami cäsokuyänan kargan.
Diosmi nirgan juk arbolpa frütanta mana mikuyänampaj (Génesis 2:16, 17)
Juk angelmi Diospa contranchö churakargan. Chay mana ali angelga Satanás Diablom.
Adantawan Ëvatam Diosga nirgan Edén huertapita juk arbolpa frütanta mana mikuyänampaj kajta. Chay frütata mikurga wanuyänanmi kargan.
Satanasga manam munarganchu Diosta paykuna wiyakuyänanta. Juk culebrata utilizarmi Ëvata nirgan, chay arbolpita mikurga mana wanuyänampaj kajta. Awmi, Diosnö kanampaj kajtam nirgan. ¡Y chayga mana rasun kajmi kargan! (Génesis 3:1-5.)
Caypis gustashunquimi
ENSEÑANZAS IMPORTANTES DE LA BIBLIA
¿Imapajta Dios Pachata camashga?
Pachataga Dios camashga shumajtami. Intipitaga manami caruchocu ni cercachocu caycan, jina tumamurpis raslaga manami tumamunchu. ¿Imaraycurtaj Diosga Pachataga chayno shumajta camashga?
