Diosga munan pï may runakuna payman mañakuyänantami (Salmo 65:2). Pero chayga manami ninanchu lapan mañakuykunata chaskinganta. Biblia ningannöpis, Diosga manami ‘wiyangachu’, warminta nakachej runapa mañakuyninta (1 Pedro 3:7). Israelitakuna yaparir yaparir mana alikunata rurayaptinmi Diosninchiga mana wiyarganchu. Chayno kaptimpis, jatun juchata rurashga karpis, pero shongupita arrepentikojkunataga wiyanmi. Lei Isaías 1:15 y 55:7.

Cay videuta ricäriy: ¿Lapan oraciuncunatachu Dios wiyan?

Mañakuyninchiwanmi Diosta adoranchi, chaymi paylata mañakunanchi (Mateo 4:10; 6:9). Jinamampis, juchasapa karmi Jesuspa jutincho mañakunanchi, porque paymi noganchiraykur wanushga (Juan 14:6). Jehovaga manami munanchu umakunganchi palabrakunalata yaparir yaparir mañakunata, sinoga shongupitami rurashwan. Lei Mateo 6:7 y Filipenses 4:6, 7.

Jina kamamajninchiga wiyanmi shiminchipa rurinlacho mañakunganchitapis (1 Samuel 1:12, 13). Jina munanmi lapan hora mañakunata: patsa waraptin, tardiyaptin, mikuna hora o ima mana alikunapa pasarpis. Lei Salmo 55:22 y Mateo 15:36.

Fe-ninnaj y Diospa awnikuynimpita burlakoj runakunapa rurinchömi kawanchi. Kaykunami michäkunman Diosnin chiman witinapaj (2 Timoteo 3:1, 4; 2 Pedro 3:3, 13). Chaymi necesitanchi cristiano masinchikunawan juntakarkur jukninchi jukninchi animanakunanchita. Lei Hebreos 10:24, 25.

Diosta kuyaj runakunawan juntakanganchimi yanapamäshun Diosman más witinapaj. Jehovapa testigunkunawan congregakanganchichömi kuyakoj cristianukunapa fe-nimpita yachakunchi. Lei Romanos 1:11, 12.

Paypita Bibliacho yachakungaykiman yarpachakurmi. Rurayninkunaman, consejunkunaman y awnikuyninkunaman pensariy. Yarpachakungayki y mañakungaykimi yanapäshunki Diospa jatun kuyakuyninta y yachayninta entiendinaykipaj. Lei Josué 1:8 y Salmo 1:1-3.

Diosmanga witiyta puedinki payman fe-nikita churar y confiakurlami. Pero fe-ninchitaga winachishwan imanir imaman creinganchiman yarpachakurmi. Lei Mateo 4:4 y Hebreos 11:1, 6.

Payta kuyaptinchimi cuentaman churamäshun. Fe-ninchi más aliyänampaj y shamoj tiempucho bendiciunkunata chaskinapajmi yanapamäshun (Salmo 91:1, 2, 7-10). Jina wilapämanchimi shumaj portakur imano kushishga y ali saludyoj kawapäkunanchipaj. Lei Salmo 73:27, 28 y Santiago 4:4, 8.