“TAYTA DIOSTA alabay-llapa munayniyoj anjilcuna” (Salmo 103:20).

¿Imatataj Biblia wilacun angelcunapita?

• Job 38:4-7

  Cay Pachata manaraj rurarpis, angelcunatarämi Jehová camashga.

• Apocalipsis 5:11

  Aypala angelcunami can.

• 1 Pedro 1:11, 12

  Angelcunaga imaypis yarpachacärishgami Diospa munaynin ruracänampa.

• Lucas 15:10

  Diosta sirvej runacunataga angelcunaga alapami cuyan.

“TAYTA DIOSPA anjilninmi salban, chapan Tayta Diosta rispitajcunataga” (Salmo 34:7).

¿Imanirtaj ninchi angelcuna runacunata yanapayta puedinganta?

• Génesis 19:15, 16; Daniel 6:22; Lucas 22:43; Hechos 12:6-11

  Lot-ta, Danielta, Jesusta y Pedruta angelcuna yanapargan.

• Hebreos 1:7, 14

  Jehovaga angelnincunatami utilizan sirvejnincunata cuidanampa.

“Noganchëga musyanchïnami Satanás mana allita rurachiyta munamashanchïta” (2 Corintios 2:11).

¿Pïcunataj supaycunaga y imanirtaj alapa chiquimanchi?

• Apocalipsis 12:9

  Juc angelmi Jehovapa contranman sharcush. Jutinga Satanasmi.

• Génesis 6:2

  Noé cawashgan wichanmi, waquin algelcuna Jehovapa contranman ticrapäcorgan y cay Pachaman shapäcamurgan.

• Mateo 9:34

  Cay angelcunaga Satanaspa ladunmanmi aywacärergan y supaycunamanmi ticrapäcorgan.

• Deuteronomio 18:10, 11

  Supaycunaga pantachiytami munan runacunata y mana alicunatami rurachiyta munan.

“Dyablu juchata rurachiyta munashuptiquega ama cäsuychu. Chauraga aywacongami” (Santiago 4:7).

Satanaspita y supaycunapita Jehová librashunayquipäga, ¿imataraj ruranquiman?

• Hechos 19:19

  Chiquishun brujeriata, jirca garayta, shojpicuyta y chajchachicuycunatapis. Caycunapa guepanchomi supaycuna caycan, chaymi yarpaylapis yarpashwanchu chaycunamanga.

• Efesios 6:16, 18

  Bibliata yachacuy yaracuyniquita jatunyachinayquipa y Diosta mañacuy yanapashunayquipa.

• Proverbios 18:10

  Tayta Diospa jutinta utilizay.