“Tayta Diosninchëga palabranta quiquinmi isquirbichiran” (2 Timoteo 3:16).

¿Imanirtaj Bibliaga mana waquin librucunanochu?

2.800 idiumacunapitapis maschomi Bibliaga traducicamushga, y aypalamanmi jorgacamushga.

Wilacuynincunataga manami maygan libruchopis tarishunchu.

• 1 Tesalonicenses 2:13

  Bibliataga Diosmi escribichishga.

• 2 Pedro 1:21

  Yupashgala runacunatami Dios utilizashga yarpayninta escribichinampa.

“Tayta Diosga [...] manami llullacunchu” (Números 23:19).

¿Imanirtaj Bibliaman yaracunquiman?

• Isaías 44:27–45:2

  Babilonia marcapa ushacaynin manaraj chayamuptin, Bibliaga maynami wilacurgan ima pasanampa cajta.

• 2 Timoteo 3:1-5

  Canan wichanga, Bibliacho caycaj wilacuycunaga cumplicaycamunmi.

• Tito 1:2

  Shamoj tiempupaj Biblia wilacushganmanga yaracushwanmi.

“Nogami cä TAYTA DIOSNIQUI. Nogami yachachë gamcunapaj alli cajta” (Isaías 48:17).

¿Imatataj Bibliapita yachacushcanqui?

• Job 26:7; Eclesiastés 1:7

  Biblia nishgancunaga tincunmi yachaj runacuna nishgancunawan.

• Números 20:2-12

  Bibliata escribejcunaga pantashgancunatapis escribipäcushgami.

• Mateo 5-7 capitulucuna

  Caycunapitami Jesús yachachimashcanchi: imano rasumpa cushicuyta tarinapa, waquincunawan imano apanacunanchipa, imano mañacunapa, y guellayta imano ricanapajpis.

“Tayta Diospa palabranga fiyupa munayniyojmi. Cawajmi” (Hebreos 4:12).

¿Imanotaj Diospa Palabran yanapashunquiman?

• Diospa munaynin ima cangantami musyachishunqui.

• Quiquiqui reguicunayquipa yanapashunqui.

• Gampita Dios ima shuyarangantami tantiachishunqui.

Diosga munan Bibliata leyinayquita, estudianayquita y cuyanayquitami.